Ang Pag-aghat kabahin sa Awdisyon alang sa Drama

Paghulagway pinaagi ni Katelyn Budge

Nakuyawan kaayo ko nga mo-awdisyon alang sa akong una nga drama, mao nga nag-ampo ko ug nangayo nga panalanginan og piho nga papel nga akong gusto. Samtang nag-ampo ko, mibati ko og pag-aghat nga koreksiyonan ang akong kaugalingon, mao nga gipun-an nako, “Kon dili ang papel nga akong gusto, palihog panalangini ko sa papel nga gikinahanglan nako.”

Nahimong nindot kaayo ang awdisyon, apan wala nako makuha ang papel nga akong gusto. Nakuha nako ang mas gamay nga papel—nga adunay solo nga pagkanta. Ang papel nga akong gusto wala niana. Misalig ko sa Dios ug midawat sa mas gamay nga papel, ug giganahan ko niini! Wala ko kahibalo kon madiskobrehan ba kaha nako ang akong hilig sa teyatro kon nakuha pa nako ang papel nga akong gusto.

Nalipay kaayo ko nga gipaminaw nako kadto nga pag-aghat. Mipalig-on kini sa akong relasyon sa Langitnong Amahan aron isalig ang akong kaugalingon ngadto sa Iyang mga kamot ug moingon nga akong dawaton ang bisan unsang papel nga akong maangkon.