Unsa ang Akong Buhaton Kon ang Usa ka Tawo Mosilo Nako?

Miadto ko sa komperensiya sa FSY didto sa usa ka hotel human gayod sa pagpahunong sa mga restriksiyon sa pandemya. Daghan sa kabatan-onan klaro kaayo nga naapektohan sa pandemya ug sa pagsugakod sa espirituwal ug mental nga mga isyu. Ingon og nag-atubang kita sa labing dako nga espirituwal nga mga gubat nga akong naagian sa kinabuhi sukad. Wala pa ko sukad mobati og hilabihan nga kasagmuyo.

Sa sayong bahin sa semana sa dihang misulod ko sa lawak nga among gipuy-an, ang pipila sa mga lalaki nag-istoryahanay ug nagkinataw-anay mahitungod sa pipila ka butang nga negatibong nakaapekto nako. Naghunahuna ko, “Dili na kini maayo.” Mibati ko nga mohangyo nila sa pagsulti og hinay-hinay. Pero, sa dihang mosulay na ko sa pag-istorya, gibugalbugalan ko nila ug gilabay ko og mga medyas.

Nianang higayona, miginhawa ko og lawom ug nangutana sa akong kaugalingon, “Unsa kaha ang buhaton sa Manluluwas?” Human sa pagpamalandong, gipunit nako ang medyas nga gilabay ngari nako, giuli kini, ug miingon, “Tan-awa, dili na kini maayo. Palihog sulti og hinayhinay. Tingali maghimo kita og laing butang.”

Kon adunay usa ka tawo nga mibati nga nasilo o gidaugdaog sama nako, moingon ko, “Paghunahuna og celestial.” Si Presidente Russell M. Nelson midapit nato sa pagkahimong mga tigpasiugda sa kalinaw. Ang pagkahimong tigpasiugda sa kalinaw mahinungdanon, ilabi na sa lisod nga mga panahon.

Kini nga kasinatian nakatudlo nako sa kaimportante sa kaluoy ug paghigugma sa akong silingan. Kana nga leksiyon magpabilin sa akong kasingkasing.