Danna L.

Litrato pinaagi ni Melanie Miza

Ang among stake nagpahigayon og usa ka kalihokan sa kabatan-onan nga ang tema bahin sa misyonaryo. Ang stake center gipahimutang nga sama sa gamayng Missionary Training Center. Gibansay kami, ug dayon nanglakaw kami aron motabang sa mga misyonaryo sa pagsangyaw sa ebanghelyo ngadto sa mga tawo sa Chimaltenango.

Pipila sa mga tawo maayo kaayo nga midawat namo, apan ang uban nasuko, wala motug-an sa numero sa ilang selpon ug pinuy-anan, o nanago. Usahay nawad-an kami og kadasig, apan nakahimamat kami og mga tawo nga gusto gayod maminaw ug gani natandog sa among mensahe. Bisan kon wala ko makausab sa ilang kinabuhi, ang akong pagpamatuod mitubo.

Sa dihang si Jesukristo dinhi pa sa yuta, gikataw-an Siya sa mga tawo, apan mas mahinungdanon Kaniya ang unsay gihunahuna sa Amahan bahin Kaniya kaysa unsay gihunahuna sa uban bahin Kaniya. Kon kita nasayod nga ang ebanghelyo tinuod, dili kinahanglan nga kini atong itago o ikaulaw. Ang Ginoo anaa kanunay alang nato.