“Unsaon nako pagbatok sa tentasyon kon kanunay lang kong masayop?”

“Mahimo kamong makigsulti sa Langitnong Amahan mahitungod sa tanang butang pinaagi sa pag-ampo. Kon kamo sinsero nga naghinulsol ug nagtinguha nga mahimong mas maayo, Siya motabang ninyo, apan kinahanglan usab kamo nga molihok. Palayo sa mga butang nga makatental ninyo, pangayo og tambag sa inyong mga ginikanan, bishop, ug mga lider sa kabatan-onan.”

Cadence W., 15, Utah, USA

“Sa pagpakigbisog sa tentasyon, moginhawa ko og lawom sa tulo ka higayon aron mohunong og kadali ug usbon ang pokus. Dili kini mahitungod sa pagkahimong hingpit sa tanang higayon apan mahitungod kini sa pagbangon ug sa pagbuhat sa atong labing maayo.”

Lincoln S., 17, Nevada, USA

“Kitang tanan ug masayop, apan ang labing dakong sayop mao ang paghunong, tungod kay kana mahimong modala nato ngadto sa pagbuhat sa mga butang nga adunay mahangtorong mga sangpotanan. Ayaw og hunong sa pag-adto sa simbahan, ipadayon ang pagbasa sa mga kasulatan, mag-ampo, ug maghinulsol.”

Rebeca D., 15, Mexico City, Mexico

“Usahay mobati kita nga murag dili na gayod kita mausab. Apan ang maayong balita sa Pag-ula sa Manluluwas mao nga adunay paglaom! Mag-ampo nga makabuhat og mas maayo, tinuoray nga magtinguha sa Iyang giya, maghinulsol, ug mopasaylo sa inyong kaugalingon samtang maningkamot kamo nga mahimong sama Kaniya. Mopadayon sa pagtinguha sa Iyang gugma. Siya mohimo og kalainan.”

Katie C., 14, Utah, USA

“Hunahunaa ang sitwasyon ug tinoa kon unsay nakadala ninyo ngadto sa kalapasan, ug unya palayo gikan niana nga mga impluwensya nga makadaot ninyo. Magpadayon sa pag-ampo, magtinguha sa Balaang Espiritu nga makaila sa tanang sirkumstansya, magtuon sa mga kasulatan, ug mobuhat kamo sa mga buluhaton ubos sa inyong calling.”

Konan J., 26, Abidjan, Ivory Coast