Makapaayo nga mga Kamot

Paghulagway pinaagi ni Katelyn Budge

Mimata ko og sayo ra gayod kaayo usa ka Sabado, nga katingalahan—kasagaran tulog pa kaayo ko niana. Apan gibati nako ang dinalian nga pag-aghat nga manaog sa hagdan, nga mura ba og gigiyahan ko.

Ang akong mama nag-inusara sa ubos. Nasayran nako nga nakuhaan siya nianang buntaga, mao nga mihilak ako uban niya ug gimasahe ang iyang mga abaga ug mga tiil. Bisan pa sa kaguol, gibati nako ang kalinaw. Ang tanan nakong hunahuna hilom, ug gibati nako ang kakalma ug gihupay.

Gisultihan ko sa akong mama nga tingali ako adunay makapaayo nga mga kamot, tungod kay ang masahe nakahatag niya og dakong kalipay ug kalinaw. Mapasalamaton kaayo ko nga nahupay nako siya ug nakat-on kon unsa ang bation nga giyahan sa Espiritu.

Kini nga kasinatian nagtudlo nako nga dili na ko kinahanglan nga mobuhat og talagsaong mga butang aron mangalagad sa uban. Kinahanglan lang nako nga kalimtan ang akong garbo ug mga kahingawa ug motutok sa gugma sa Dios, ug Siya mogamit nako aron mahimong Iyang mga kamot ug magdala og kahayag ngadto sa ubang tawo.