O le a le Siona?

I tusitusiga paia, o le upu Siona e mafai ona faauigaina:

• “O e ua loto mama’ (Mataupu Faavae ma Feagaiga 97:21).

• O le nuu o le Alii, po o le Ekalesia ma ona siteki (tagai i le Mataupu Faavae ma Feagaiga 82:14).

• O se nofoaga patino e nonofo ai ma faapotopoto ai le nuu o le Alii, e pei o:

  1. O le nuu o Enoka (tagai Mose 7:18).

  2. O le aai anamua o Ierusalema (tagai i le 2 Samuelu 5:6–7; 1 Tupu 8:1; 2 Tupu 9:28).

  3. O le Ierusalema Fou—o se aai o le a fausia i aso e gata ai i le Itumalo o Jackson, Misuri, ISA. (tagai i le Mataupu Faavae ma Feagaiga 45:66–67; Mataupu Faavae o le Faatuatua 1:10).

E ui lava e le o faapotopoto tagata o le Ekalesia i aso nei i se nofoaga tutotonu, ae tatou te “auai i se galuega faatino tele e faatuina Siona e sauniuni ai mo le toe afio mai o le Alii.” Ua aoaoina i tatou e o tatou taitai e faatuina Siona ma faamalolosia le Ekalesia i soo se mea tatou te nonofo ai. Tatou te faia lenei mea, i se vaega, e ala i le saili e ola e pei ona ola ai tagata “Siona.” Mo se faataitaiga, i le Mose 7:18 tatou te aoao ai:

• Ia tasi i le loto ma le mafaufau.”

• Latou te nonofo i le amiotonu.

• ma sa leai se mativa i totonu o i latou.”