O Le Oti E Le o le Mutaaga lea.

Ata na tusia e Katelyn Budge

Sa taofia lo’u tina i le falemai ona o se stroke. Sa faate’ia i ma’ua, ma sa ou mafaufau pe aisea na faataga ai e le Atua lenei mea e tupu.

E ui lava i o matou popolega, ae e le’i mou atu lo matou faatuatua. Sa matou iloa o le a toe malosi o ia. Sa manuia o ia seia oo i ni nai masina mulimuli ane ina ua toe maua o ia i le stroke. Sa le mafai ona savali pe tautala ma sa faigata ona ‘ai. Sa faaauau pea ona matou tatalo atu mo se fesoasoani mai le Atua.

Sa tauivi lo’u tina ma lenei tulaga seia oo ina maliu o ia. Ou te iloa sa faapea e le mafai e le Atua ona faamalolo o ia, ae o Lona finagalo ia toe foi atu ia te Ia. Ou te iloa afai ou te ola i lo’u olaga e tusa ai ma poloaiga a le Alii, e mafai ona ou toe faatasia ma ia ma lo’u aiga. Ou te iloa ona o le Togiola a lo tatou Faaola, o le a tatou toetutu ai. O le oti e le o le mutaaga lea mo tatou.