O Le A Le Mea E Ese Ai Lau Ekalesia?

Sa masani ona ou mafaufau po o le a se mea ou te fai atu ai pe a fesili mai se tasi, “O le a se mea e ese ai lau ekalesia?” Ona maliu faafuase’i lea o le ma atalii matua, ma tuua ai lana ava lelei ma lana fanau e toafa. I o matou faanoanoaga, o aoaoga o le talalelei toefuataiina a Iesu Keriso na aumaia ai le manino ma le mafanafana. O le lomiga o lenei masina o loo faataua ai le tolu o na aoaoga tulaga ese:

Muamua, ua aoaoina i tatou e le folafolaga i le aiga: “o le fuafuaga paia o le fiafia, ua mafai ai ona faaauau fegalegaleaiga faaleaiga i tala atu o le tuugamau.” (Tagai i le itulau e 26.)

Lona lua, e ala mai i le Ekalesia a le Alii, tatou te maua ai le pule ma le mana o le perisitua a le Atua—o le mana lava lea e tasi na foafoaina lalolagi ma tuufaatasia ai aiga e faavavau. (Tagai i le itulau 2.)

Lona tolu, o loo sauniuni le nuu o le feagaiga a le Faaola i Lana Ekalesia mo Lona Afio Mai Faalua, o se mafuaaga lea o le olioli. (Tagai i itulau 18, 22.)

A o e suesueina lenei lomiga, ou te tatalo o le a e iloaina nei upumoni mo oe lava ia ma maua au tali i le fesili, “O le a se mea e ese ai lau ekalesia?”