Faamafanafanaga o le konafesi

Ata na tusia e Katelyn Budge

Sa talosagaina au ou te lauga atu i se konafesi faalesiteki. Ae sa ou manatu o le a leai so’u taimi e sauniuni ai talu ai o loo i ai ni a’u meaaoga e fai i le aoga.

A o ou filifili pea pe o le a ou lauga, sa i ai se konafesi aoao. Na aoao mai Elder Carl B. Cook, “Ae o le faatinoina o le faatuatua i lo tatou Faaola, o Iesu Keriso, e fesoasoani tatou te faatoilalo ai le lotovaivai tusa lava po o a mea faalavefau tatou te fetaia’i.”

Sa ou manatua le auala na fesoasoani ai le Alii ia te au e faataunuu o’u tiutetauave i le taimi ua tuanai. Ina ua ou faafesootaia lo’u aafiaga patino i le molimau a Elder Cook, sa ou malamalama o le a faamalosia au e faataunuu la’u lauga o le konafesi faalesiteki e aunoa ma le fefe.

Ou te molimau atu pe a ou lagona le popole po o le fefe, o le a musuia au e Keriso e ala i upu a perofeta ma isi taitai o le Ekalesia, o tusitusiga paia, ma tagata o loo siomia au.