Popolevale, o le Agaga, ma Tusitusiga Paia

Ata na tusia e Katelyn Budge

Na tele ina ou fesiita’i i lo’u olaga. I ni nai tausaga talu ai, na matou siitia atu ai i Dubai mo se taimi puupuu. Ina ua ou tatalaina la’u atopa’u, o le mea mulimuli sa i le pito i lalo o a’u tusitusiga paia. Sa ou manatu e tatau ona ou faitauina. Sa ou faia, o se mea e le masani ai aua ou te le lelei i taimi uma i le mulimuli i uunaiga. Ae na ou amata mai le amataga, ma ou te manatu na ou faitauina ni mataupu se lima pe ono.

I le isi taimi, na faatonu ai a’u e tuuina atu se tautalaga i le lotu. Sa uunaia au e talanoa e uiga i le taua o le suesue i tusitusiga paia. Sa ou tusia la’u lauga ma mafaufau, “Oka, e tatau lava ona ou faitau atili i tusitusiga paia.” Na avea foi ma tauvaga i le va o a’u ma lo’u tama. Sa i ai o ia i a Alema, ma sa ou manao ia ou maua o ia. Sa amata ona ou faitauina a’u tusitusiga paia i aso uma—o nisi taimi e 10 pe 15 mataupu!

Sa amata ona ou matauina le tele o aafiaga faaleagaga. Pe a e faitauina le tele o lena mea, e maua ai se avanoa mo oe e maua ai faaaliga faaletagata lava ia. Sa ou fatuina se taimi mo le Alii.

Sa amata ona ou tausia se api talaaga faaleagaga. I se tasi o tusiga, sa ou tusia ai, “Sa ou faitauina le 3 Nifae e uiga i le auala na afio ifo ai Iesu Keriso i tagata ma mea matagofie uma na Ia faia. Sa ou lagonaina le latalata tele i le Tama Faalelagi ma Iesu Keriso i le aso.”

Sa ou matua maofa lava i le tele o aafiaga na ou mauaina, aemaise lava pe a ou sailia. Sa ou pei, “Wow, o loo talanoa mai le Atua ia te a’u i le tele o taimi.”

O le suesueina o tusitusiga paia na fesoasoani moni lava ia te au, ae maise lava i le atuatuvale faalemafaufau o le tele ina fesiita’i. O tusitusiga paia o afioga ia a Keriso. E fetalai mai o Ia ia i tatou e ala mai ia i latou. E ala i Ana afioga, ua mafai ai ona ou faalatalata atili atu ia te Ia.