Annabelle Y.

Ata na pueina e Clayton Chan

E faigata ona maua se taimi e "mafaufau faaselesitila," ai ona ou te pisi tele. E i ai a’u su’ega tetele e taula’i atu i ai, ma o nisi taimi o se lu’itau le faamalosia o la’u mafutaga ma le Atua. E ono faigata tele ona faapaleni.

E ui lava o se luitau, ae ou te manatu o le a saunia e le Tama Faalelagi se ala. Ua Ia poloaiina i tatou e o mai ia te Ia ma fesoasoani i isi a o aoaoina foi le tele o mea i lenei olaga. E mafai ona avea i tatou e faapei o Nifae ma faapea atu, "O le a ou alu ma fai mea ua poloaiina ai e le Alii" (1 Nifae 3:7).

Pe a mafai ona ou maua se nofoaga ou te nofo ai i lalo ma tatala tusitusiga paia, e mafai ona ou mafaufau i ni auala e mafai ona ou fesoasoani ai i isi. Sa ou maua ni uunaiga e auina atu ni feau tusitusia i e pele ia te a’u e fesili i ai pe o manuia i latou. E faamalosia ai a’u i le faalogo atu i se tasi o fai mai sa i ai se aso leaga ae na sili atu ona lelei lo latou aso ona o se savali na ou auina atu ia i latou. E faamaluluina ai lo’u loto i le iloa sa mafai ona ou faalogo i uunaiga a le Agaga Paia ma fesoasoani ia i latou.