Unsa ang Zion?

Diha sa mga kasulatan, ang pulong nga Zion mahimong magpasabot nga:

• “Ang putli og kasingkasing” (Doktrina ug mga Pakigsaad 97:21).

• Ang katawhan sa Ginoo, o ang Simbahan ug ang mga stake niini (tan-awa sa Doktrina ug mga Pakigsaad 82:14).

• Usa ka piho nga dapit diin ang katawhan sa Ginoo nagpuyo ug nagpundok, sama sa:

  1. Ang siyudad ni Enoch (tan-awa sa Moises 7:18).

  2. Ang karaang siyudad sa Jerusalem (tan-awa sa 2 Samuel 5:6–7; 1 Mga Hari 8:1; 2 Mga Hari 9:28).

  3. Ang Bag-ong Jerusalem—usa ka siyudad nga itukod sa kataposang mga adlaw didto sa Jackson County, Missouri, USA (tan-awa sa Doktrina ug mga Pakigsaad 45:66–67; Mga Artikulo sa Hugot nga Pagtuo 1:10).

Bisan kon ang mga miyembro sa Simbahan karon wala magpundok sa usa ka sentro nga dapit, kita “moapil diha sa usa ka dakong proyekto sa pagtukod sa Zion agig pagpangandam alang sa pagbalik sa Ginoo.” Gitudloan kita sa atong mga lider sa pagtukod sa Zion ug paglig-on sa Simbahan bisan asa kita nagpuyo. Gibuhat nato kini, sa bahin, pinaagi sa pagtinguha nga magpuyo isip sama sa pagpuyo sa mga katawhan sa “Zion.” Sama pananglit, diha sa Moises 7:18 atong makat-onan nga:

• Sila “usa sa kasingkasing ug usa sa hunahuna.”

• Nagpuyo sila sa pagkamatarong.

• Walay “kabos taliwala kanila.”