Annabelle Y.

Litrato pinaagi ni Clayton, Chan

Lisod ang pagpangita og panahon sa “paghunahuna og celestial,” tungod kay bisi kaayo ko. Aduna koy dakong eksamin nga akong gitutokan, ug usahay usa ka hagit ang pagpalig-on sa akong relasyon ngadto sa Dios. Lisod gayod kaayo ang pagbalanse.

Bisan og kini usa ka hagit, nagtuo ko nga ang Langitnong Amahan moandam og paagi. Misugo Siya kanato sa pagduol ngadto Kaniya ug motabang sa uban samtang magkat-on usab og daghan niini nga kinabuhi. Kita mahimong mahisama ni Nephi ug moingon, “Moadto ako ug mobuhat sa mga butang nga gisugo sa Ginoo” (1 Nephi 3:7).

Kon ako makakita og dapit nga kalingkoran ug moabli sa mga kasulatan, makahimo ko sa paghunahuna og mga paagi nga ako makatabang sa uban. Aduna koy mga pag-aghat nga mopadala og mga text ngadto sa mga minahal mangutana kon OK ra ba sila. Makapalig-on kini kanako nga makadungog sa usa ka tawo nga moingon nga sila adunay dili maayong adlaw apan ang ilang adlaw nahimong mas maayo tungod sa usa ka mensahe nga akong gipadala ngadto kanila. Makapalukmay kini sa akong kasingkasing nga makahibalo nga ako nakapaminaw sa mga pag-aghat sa Espiritu Santo ug nakatabang kanila.