Danic L.

Litrato pinaagi ni Clayton Chan

Sa daghang adlaw, mibati ko nga dili igo ang akong kaayo ug ingon og makasagmuyo ako. Apan kanunay nakong gihunahuna kon unsay hunahuna sa Dios alang kanako. Akong mahinumdom ang akong balaan nga kinaiyahan, akong balaan nga potensiyal, ug kana tinuod nga usa ka kalig-on ug ankla ngari kanako.

Modula ko og badminton, ug human nga ikaw modula og torneyo ug mapildi, ilabi na ngadto sa tawo nga sa imong hunahuna imo rang mapildi, mobati ka og labihan nga kaluya. Niana nga mga panahon naghunahuna ko sa Dios nga nagauban kanako, ug naghatag kini kanako og kalig-on sa pagpadayon.

Inyong mabati ang gugma sa Dios kon ikaw motan-aw ngadto Kaniya. Kanunay Siya nga anaa alang kaninyo, ug makabaton ikaw sa balaanong gahom nga Iyang ikahatag kaninyo.

Si Jesukristo mao gayod ang atong Manluluwas. Namatay Siya alang sa atong mga sala. Ang gugma nga kinahanglan Niyang andam pakamatyan alang kanato—sa akong hunahuna gugma kini nga lisod ihulagway. Bililhon kaayo kini ug puno sa gahom.