Ang Kamatayon Dili maoy Kataposan

Paghulagway pinaagi ni Katelyn Budge

Ang akong mama naospital tungod kay na-stroke. Nakalitan kami niini, ug naghunahuna nganong ang Dios mitugot nga mahitabo kini.

Bisan sa among mga kabalaka, wala kami mawad-i og pagtuo. Nasayod kami nga maulian ra siya. Na-OK na siya hangtod nga paglabay sa pipila ka bulan na-stroke na usab siya. Dili na siya makalakaw o makasulti ug maglisod na og kaon. Padayon kaming nag-ampo og tabang gikan sa Dios.

Ang akong mama nakigbugno niini nga kahimtang hangtod sa iyang pagkamatay. Nasayod ko nga ang Dios dili maingon nga dili makahimo sa pag-ayo kaniya, apan Iyang kabubut-on kadto nga siya mobalik na Kaniya. Nasayod ko nga kon magpakabuhi ko subay sa mga sugo sa Ginoo, ikauban nako siya pag-usab ug sa akong pamilya. Nasayod ako nga tungod sa Pag-ula sa atong Manluluwas, kita mabanhaw. Ang kamatayon dili maoy kataposan alang kanato.