“Unsay Nakalahi sa Inyong Simbahan?”

Sa una naghunahuna ko unsay akong isulti kon dunay mangutana, “Unsay nakalahi sa inyong Simbahan?” Dayon ang among kinamaguwangan nga anak nga lalaki namatay sa wala damha, gibiyaan ang iyang maayo kaayo nga asawa ug upat ka anak. Diha sa maong kagul-anan, ang mga pagtulun-an sa gipahiuli nga ebanghelyo ni Jesukristo nagdala og katin-awan ug kahupayan. Ang isyu niining bulana naghatag og importansiya sa tulo nianang talagsaong mga pagtulun-an:

Una, ang dinasig nga pamahayag sa pamilya nagtudlo nga “ang balaan nga plano sa kalipay makahimo sa mga relasyon sa pamilya nga magpadayon human sa kamatayon.” (Tan-awa sa pahina 26.)

Ikaduha, pinaagi sa Simbahan sa Ginoo, makagamit kita sa awtoridad ug gahom sa pagkapari sa Dios—ang samang gahom nga mimugna og mga kalibotan ug mohiusa sa mga pamilya sa kahangtoran. (Tan-awa sa pahina 2.)

Ikatulo, ang katawhan sa pakigsaad sa Manluluwas diha sa Iyang Simbahan nangandam sa Iyang Ikaduhang Pag-anhi, nga nahimong hinungdan sa kalipay. (Tan-awa sa mga pahina 18, 22.)

Samtang magtuon kamo niini nga isyu, mag-ampo ko nga makadiskobre kamo niini nga mga kamatuoran para sa inyong kaugalingon ug makakaplag og mga tubag sa pangutana, “Unsay nakalahi sa inyong simbahan?”