“Ang akong maayo nga mga higala naghimo og mga pagpili nga mipabati kanako nga dili komportable mahitungod niini. Unsa man ang akong buhaton?”

“Pakig-istorya sa imong mga higala mahitungod sa imong mga pagbati. Ang dalan ngadto sa maayo nga relasyon maabli kon mag-istoryahanay ta. Lisod usahay kay maghunahuna ta nga masuko ang atong mga higala, apan adunay solusyon: buhata kon unsa ang buhaton ni Kristo ug lihoka kini inubanan sa kaluoy”

Luan R., 19, São Paulo, Brazil

“Usahay ang mga higala mohimo og mag pagpili tungod kay napugos sa mga kauban. Kon makig-istorya ko sa akong mga higala mahitungod sa ilang mga pagpili, makatabang ko nila nga mahimong responsable sa ilang mga tumong ug mga hiyas. Sa ubang higayon, magkasumpaki mi kon unsa ang maayo o imporante, apan kinahanglan kitang morespeto sa mga opinion ug sa kabubut-on sa matag usa.”

Maggie J., 18, Texas, USA

“Tingali gibati nimo nga dili komportable tungod kay ang Espiritu Santo nagsulti nimo nga dili sakto ang ilang gibuhat. Dapita sila sa pagbuhat og laing butang.”

Lorenzo M., 12, Quezon City, Philippines

“Mahimo nimo silang giyahan ngadto sa dalan sa Dios o mangita og laing mga higala nga mahimong maayo nga impluwensiya. Pag-ampo aron mahibalo unsay desisyon nga angay buhaton. Salig sa paghukom sa imong Langitnong Amahan, ug mogiya Siya nimo.”

Haiden W., 15, Washington, USA

“Buhaton nako kutob sa akong mahimo nga mahimong maayong ehemplo. Mag-ampo usab ko para nila kay nahibalo ko nga ang kahayag kanunay nga mopatigbabaw kay sa kangitngit.”

Isaac M., 19, Lualaba, Democratic Republic of the Congo

“Pagmalig-on sa baroganan ug pagmaisogon sama ni Moroni. Kitang tanan sa kataposan makabaton og mga higala nga maghimo og dili maayo nga mga desisyon, ug magkinahanglan kita sa tabang gikan sa Langitnong Amahan aron makalabang niini. Kada buntag mag-ampo ko nga makasul-ob sa panagang sa Dios, ug nakatabang kaayo kini kanako!”

Asa F., 15, Utah, USA

“Higugmaa sila ug ipadan-ag ang imong kahayag. Ang mga tawo mosugod sa pagrespeto sa imong mga desisyon. Ang akong pamilya ug ako mao lamang ang mga miyembro sa Ang Simbahan ni Jesukristo sa mga Santos sa Ulahing mga Adlaw sa among eskwelahan, ug nakamatikod ko nga ang mga tawo mohunong sa pagpamalikas sa among palibot kay nahibalo sila nga lahi mi.”

Penelope W., 13, Central Region, Portugal