Çfarë është Sioni?

Në shkrimet e shenjta, fjala Sion mund të nënkuptojë:

• “Të kulluarit në zemër” (Doktrina e Besëlidhje 97:21).

• Popullin e Zotit ose Kishën dhe kunjet e saj (shih te Doktrina e Besëlidhje 82:14).

• Një vend të veçantë ku populli i Zotit jeton dhe mblidhet, të tillë si:

  1. Qytetin e Enokut (shih te Moisiu 7:18).

  2. Qytetin e lashtë të Jerusalemit (shih te 2 Samuelit 5:6–7; 1 Mbretërve 8:1; 2 Mbretërve 9:28).

  3. Jerusalemin e Ri, një qytet që do të ndërtohet në ditët e mëvonshme në kontenë Xhekson, në Misuri të SHBA‑së (shih te Doktrina e Besëlidhje 45:66–67; Nenet e Besimit 1:10).

Edhe pse anëtarët e Kishës sot nuk mblidhen në një vend qendror, ne “marrim pjesë në një projekt të madh për të ndërtuar Sionin në përgatitje për kthimin e Zotit”. Udhëheqësit tanë na kanë mësuar që ta themelojmë Sionin dhe ta forcojmë Kishën kudo ku jetojmë. Ne e bëjmë këtë, pjesërisht, duke u përpjekur të jetojmë siç jetojnë njerëzit në “Sion”. Për shembull, te Moisiu 7:18 mësojmë:

• Ata janë “të një zemre dhe të një mendjeje”.

• Ata banojnë në drejtësi.

• Nuk ka “të varfër mes tyre”.