Veisolisoli Levu ni Gauna Tawamudu: Na Veisorovaki i Jisu Karisito, Tucaketale, Veivakalesuimai

Ena vica na yabaki sa oti, a cavuqaqataka na neitou kalasi ni kosipeli ena mataka lailai na tiki ni iVolatabu eso. Au dau taleitaka tu ga na veimalanivosa lekaleka. Oqo e okati kina na Joni 11:35—na tikina lekaleka duadua ena ivolanikalou, e rua ga na vosa—“Sa tagi ko Jisu.”

Vei au ena gauna oqo, ni tagi o Jisu ena rarawa kei na reki sa vakadinadinataka na dina veivakurabuitaki: na Luve ni Kalou tabu a mai bula vakayago ka vulica ena bula vakayago na sala me dau tiko vata kina ka vakalougatataki keda tikoga.

Nida tagi ena rarawa se reki, e kila vakavinaka sara o Jisu Karisito. E rawa ni tiko o Koya ena gauna eda gadreva vakalevu kina na isolisoli cecere ni veigauna tawamudu: na Veisorovaki i Jisu Karisito, Tucaketale, veivakalesuimai.

Na Siganimate ena vuku i Jisu Karisito eda sa vakila kina na veivakadonui ni Kalou. E tukuna vei keda na vuravura oqo nida sa rui balavu, sa rui lekaleka, sa rui rabailevu, sa rui rabailailai—sega ni vuku, totoka, se vakayalo tu. Mai na veisau vakayalo ena vuku i Jisu Karisito, sa rawa ni da vakatikitikitaka na veivakasevai ni bula vinaka sara.

Na ituvatuva ni Kalou ena galala ni digidigi savasava ni bula oqo sa vakatarai keda ni vuli mai na ka eda sotava. Ena loloma, a kevu sobu ka lamata caketaka na ka kecega o Jisu Karisito. Sa marautaka o Koya na noda gugumatua vakalou ena bulika kei na reki, na yalovinaka e sega ni nanumi me saumi, na vakabauta kina veivutuni kei na veivosoti. Ka sa tagicaka ena rarawa na vakaitamera ni noda vakararawataki vakatamata, veivakalolomataki, tawadodonu—dau vakavuna na digidigi vakatamata—vakataka na lomalagi kei na Kalou ni lomalagi vata kei ira.

Oqo na Siganimate ena vuku i Jisu Karisito: Sa sauma o Koya na gagadre ni lomada kei na vakatataro ni yaloda. Sa tavoya tani na wai ni matada, vakavo ga na wainimata ni reki.