Veivuke Vakalou ni Bula Oqo

Na veivuke kaukauwa duadua ni Kalou ena bula oqo sa ikoya na Nona vakarautaka e dua na iVakabula, o Jisu Karisito, o koya ena vakararawataki me sauma na isau ka vakarautaka na veivosoti ni ivalavala ca sa veivutunitaki.

Na ituvatuva nei Tamada Vakalomalagi e vakarautaka na veivuke tale eso me dusimaki keda ena noda ilakolako ni bula oqo. Au na tukuna mada e va vei ira oqo.

iMatai, meu tukuna tiko na Rarama se Yalo i Karisito. Ena nona veivakavulici cecere ena ivola i Moronai, a cavuta kina o Moronai na vosa nei tamana ni “sa soli vei ira na tamata kecega na Yalo i Karisito, mera kila kina na vinaka mai na ca” (Moronai 7:16).

Na ikarua ni veivuke cecere e vakarautaka na Turaga me vukei keda meda digitaka na ka e dodonu sai koya e dua na ibinibini idusidusi vakalou ena ivolanikalou me tiki ni yavu ni veivakabulai (ituvatuva ni marau). Na idusidusi oqo sai koya na ivakaro, cakacaka vakalotu, kei na veiyalayalati.

Na ivunau e vakamacalataka na salatu sa tuvanaka tu vei keda na Tamada Vakalomalagi meda tubu kina kina bula tawamudu.

Na cakacaka vakalotu kei na veiyalayalati era tiki ni lawa ka vakamacalataka na salatu kina bula tawamudu.

Eso tale na veivuke sa solia mai na Kalou me baleta na digidigi dodonu sai koya na veivakatakilai ni Yalo Tabu.

E dua vei ira na veivuke bibi duadua ni Kalou vei ira na Luvena yalodina sai koya na isolisoli ni Yalo Tabu.

Mai na levu ni veivuke kaukauwa me dusimaki keda ena noda ilakolako ni bula oqo, sa ka ni rarawa ni vuqa era se bera tikoga ni vakavakarau kina nodra sota lokuci vata kei na noda iVakabula ka Dauveivueti, o Jisu Karisito.

Na yalomalumalumu kei na vakararavi vua na Turaga sai koya na iwali ni veicalati vakaoqori.