“A Ka Oqo Era na Kila Kina na Tamata Kecega Ni Dou Sa Noqu Tisaipeli”

“Dou veilomani,” a kaya o Jisu. “A ka oqo era na kila kina na tamata kecega ni dou sa noqu tisaipeli.” Dau wasoma, na matai ni nona ivakadinadina e dua me baleti Jisu Karisito e yaco mai ena gauna e vakila kina na loloma vei ira na tisaipeli i Jisu Karisito.

E dua ka vaqara vakabauta levu tiko vei Karisito se na isema voleka vua na Tamada Vakalomalagi sa dodonu me vakadeitaki koya ena Lotu i Jisu Karisito ni Yalododonu Edaidai.

Ia, nida taura matua tiko na ivakatagedegede cecere ni Turaga, meda dau veivosoti talega vakai keda.

Meda duavata kina, sa dodonu meda vakasaqara na yalo savasava , e gadrevi kina e dua na veisau levu ni yalo.

Ia e sega ni kena ibalebale oqori meu veisautaka na yaloqu meu duavata kei na nomu. E sega talega ni kena ibalebale mo veisautaka na yalomu me salavata kei na noqu. E kena ibalebale nida veisautaka kece na yaloda me da duavata kei na iVakabula.

Kevaka o vakila tu nio sega ni veiganiti kaya, kila tu nio sega ni tiko duadua.

Eda sa duabau sega ni baleta na vanua eda a tiko kina ia na vanua eda saga tiko meda lako kina, sega ni baleta o cei o keda ia o cei eda segata meda vakakina.

Oqori na ka esa vaka tu kina na Lotu dina i Karisito.

Vakacava ke o duatani mai vei ira na tamata era tu wavoliti iko? Oqori e sega ni vakavuna mo sega ni veiganiti—e vakavuna mo tiki ni yago i Karisito gadrevi.

E sega ni kena ibalebale oya ni nomu itavi mo veisautaka na tamata kecega me vakataki iko. Ia e kena ibalebale ni tiko e dua na ka bibi mo cau kina—ka tiko e dua na ka bibi mo vulica!