Vakataucokotaki Vakayalo mai Vua

Na Vuniwai Levu ena vakabula na noda rarawa kece—vakayago ka vakayalo—ena Nona gauna. Ia ni waraki tiko na veivakabulai, e rawa beka ni vakataucokotaki e dua?

Na vakabauti Jisu Karisito e kauta mai na inuinui. Au kunea na inuinui niu saga meu vakataucokotaki—ka yaco mai ena vakabauti Jisu Karisito. Na vakabauti Koya e vakalevutaka na noqu inuinui meu vakabulai, kei na inuinui oya e vaqaqacotaka na noqu vakabauti Jisu Karisito. Esa dua na wirini kaukauwa. …

Meda vakataucokotaki e kena ibalebale meda taucoko ka vakasinaiti. Ena via vakataki iratou na lima na goneyalewa vuku ka a sinai tu na nodratou cina ena waiwai ni yaco mai na tagane sa qai vakawati, eda na rawa tale ga ni vakataucokotaki mai vei Jisu Karisito ni da vakatawana na noda cina ena waiwai bulabula ni saumaki vei Koya.

Eda sa vakaroti meda wasea na Nona rarama. Mo raica me sinai tiko na nomu cina ena waiwai ni saumaki vei Jisu Karisito ka vakarautaka vinaka tu na nomu cina me ramase na kena waqa. Qai raica me caudre na rarama oya. Nida wasea na noda rarama, eda kauta mai na veivakacegui i Jisu Karisito vei ira na tani, vakatitobutaki na noda saumaki Vua, ka da rawa ni vakataucokotaki ena gauna mada ga eda waraka tiko kina na veivakabulai. Ni da vakacaudreva tu na noda rarama, eda na reki tiko ena gauna ni noda wawa.

Taciqu kei na ganequ, io, eda rawa ni vakataucokotaki vakayalo, ena gauna eda waraka tiko kina na vakabulai ni yagoda kei na lomada. Na vakataucokotaki e sega ni kena ibalebale ga me vakabulabulataki na yagoda se lomada ena bula oqo. Na vakataucokotaki e vu mai na vakabauta kei na saumaki vei Jisu Karisito kei na kena vakacilavi na rarama ni saumaki oya.