Na Veisorovaki i Jisu Karisito e Vakarautaka na Veivueti Cecere Duadua

Na veika sotavi ni ivuvu e vakarautaka vei ira na Yalododonu Edaidai e dua na ivakarau makawa duatani kei na dua na ivotavota vakayalo cokovata kaukauwa. …

E vuqa vei ira na Yalododonu era vodo ena qiqidreti era sotava na veika dredre ia era levea na veika dredre lelevu. Ia e rua na kabani ni qiqidreti e liga, na kabani ni Willie kei na kabani ni Martin, erau a sotava na viakana, sotava na draki batabata, ka vuqa sara na mate.

A kila taumada o Peresitedi Brigham Young na ituvaki rerevaki ni veikabani oqo ena ika 4 ni Okotova, 1856.

A kerei ira na bisopi me ra vakarautaka e 60 na timi ni meuli, 12 se sivia na qiqidreti kei na 12 na tani (10,886 na kilokaramu) falawa ka kaya, “Lako ka kauti ira mai na tamata era sa tu oqo ena bucabuca.”

Kevaka e sega na veivueti ena kena gauna donu, era na mate e vuqa tale.

Ni sega na Veisorovaki, eda na sega ni rawa ni vakabulai keda mai na ivalavala ca kei na mate.

Ena gauna ni Siganimate oqo, eda na vakanamata tiko vua na iVakabula kei na Nona solibula ni veisorovaki. Na Veisorovaki e vakarautaka na inuinui kei na rarama ena dua na gauna e vaka me butobuto ka vakaloloma vei ira e vuqa.

Au wasea e tolu na vakatutu au nanuma ni yaga vakalevu ki na noda gauna.

iMatai, kakua ni beca na bibi ni noda cakava na veika eda rawata me da vueti ira kina na tani mai na bolebole vakayago ka vakabibi vakayalo.

iKarua, ciqoma ena vakavinavinaka na Veisorovaki ni iVakabula.

Na ikatolu ni noqu ivakasala o ya mo biuta vakatikitiki na gauna tudei me da vakasamataka kina ena yalodina na Veisorovaki ni iVakabula. E levu sara na sala me caka kina oqo ena noda vakarokorokotaki ni lotu yadua. Ia, na tiko ena soqoni ni sakaramede kei na vakayagataki ni sakaramede sa ka bibi sara.

Sa ka bibi talega na kena dau lako vakawasoma ki na valetabu ena veivanua e rawa kina.

Na Veisorovaki i Jisu Karisito e vakarautaka na veivueti cecere duadua mai na veivakatovolei eda sotava ena bula oqo.