Nomu Veivutuni e Sega ni Vakaogai Jisu Karisito; E Vakararamataka na Nona Reki

Nikua au via vosa vei keda ka nanuma tu ena so na gauna, “Na veivutuni kei na veivosoti e rairai cakacaka tiko vei keda kece vakavo ga o au.”

Au sa vulica ni ke o wawa tu me yacova ni ko sa savasava se vinaka sara mo lako kivua na iVakabula, o sa calata na inaki taumada!

Au vakadinadinataka ni dina ga e kauwaitaka na Kalou na noda cakacala, e kauwaitaka vakalevu cake o Koya na ka e yaco ni da sa cakacala oti . Eda na vuki veitaravi tu beka Vua?

Na veisureti ni veivutuni esa ivakaraitaki ni loloma ni Kalou.

Na vakaio ki na veisureti oya esa noda ivakaraitaki. …

Eda sega ni tiko ena salatu ni veiyalayalati ena sega ni vakayaco cala. Eda tiko ena salatu ena veivutuni e veisiga.

Ni da sa veivutuni tiko, sa veivosoti na Kalou ka sega ni vakamadualaki keda, vakatauvatani keda ki na dua tale, se vosataki keda baleta oqo na ka vata ga eda a veivutunitaka tu ena macawa sa oti.

E marautaka o Koya na gauna kece e raici keda kina ni da tekiduru. E taleitaka o Koya me vosoti keda baleta ni da sa ka taleitaki ki Vua!

O sega beka ni nanuma ni sa dina sara?

Ia na cava e dredre kina vei keda me da vakabauta?! O Setani, na dauveibeitaki levu ka dauveidabui, sa vakayagataka na madua me vakayawaki keda mai vua na Kalou.

Na kemu yaga sa “ka levu sara ena mata ni Kalou,” veitalia na vakatulewa vakacava o cakava.

Au tu eke meu vakadinadinataka ni sa solia o Jisu Karisito na rarama vei ira ka dabe tu ena butobuto. Lako yani ka waqaca na Cina—na noda Rarama Uasivi ni iNuinui.