E Matada Saraga

Eda vakavinavinaka ni da tiko e vuravura ni sa tubu cake tiko na iwiliwili kei na veivakayarayarataki ni Lotu, ia e bibi cake ena yalodra kei na nodra bula na lewena.

Nikua sa 367 tu na valetabu ena Lotu ena veimataqali ivakatagedegede ni droini, tara, se cicivaki. Kemuni na taciqu kei na ganequ, eda sa vakusakusataka tiko na noda bula savasava ni da bula kilikili kaya na valetabu, ni da sokalou ena vale ni Turaga, kei na noda cakava na veiyalayalati kei na Kalou me baleti keda kei ira na noda qase e liu ena yasa kadua ni ilati.

Eda raica na Turaga ni vakusakusataka tiko na Nona cakacaka ena kaulotu. E levu cake mai na iwiliwili, na yalo ni vakasoqoni vata sa kauta tiko mai na yalo vei Jisu Karisito kei na Nona kosipeli.

Eda raica ni sa vakusakusataka tiko na Turaga na madigi ni vuli vei ira na noda lewenilotu kei ira sara mada ga eda sega ni vakabauta vakalotu e vuravura raraba.

Ena gauna oqo e sivia na 800,000 na gonevuli e vuravura raraba era sa curu kina semineri kei na inisitute, na iwiliwili levu duadua ena itukutuku ni Lotu.

E dua tale na tikina e vakaraitaka na tubu cake ni vuli ena Lotu o ya na BYU–Pathway Worldwide. Na vakacavari ni vuli e kena ibalebale na rawati ni cakacaka, kei na rawati ni cakacaka e kena ibalebale e dua na bula vinaka cake kina matavuvale kei na levu ni madigi me da qarava na Turaga.

Au kila ni ena loma ni itukutuku vinaka ni kosipeli, era tu eso era sotava tiko na dredre, era bolebole tu na vakabauta, vakatitiqa, kei na taro e vaka me sega na kena isau. Kemuni na taciqu kei na ganequ, sa kena isau o Jisu Karisito. Tekivu ki Vua Vakasaqara na Ligana ena nomu bula. Vakarorogo ki Vua.

Kila ni kila vinaka o Koya.