Sai Kemuni na Karisito

Na Veika a Masulaka e Sega Ni Rawa ni Volai, mai vei Casey Childs

Ni a kalasi va tu na luvei keirau tagane o Eli, a vakatakarakarataka na nona kalasi e dua na matanitu ka ra digitaki koya na nona icaba me veiqaravi vaka turaganilewa ni kalasi. Dua na siga, a veisiko mai e dua na turaganilewa mai nai karua ni Tikina ni Veilewai e Utah, vakaisulutaki Eli ena nona isulu, ka vosabubuluitaka na nona kalasi. Oqo a vakavurea kina yalona gone o Eli na gagadre me vulica na lawa, kei na Daunilewa Vakaikoya, o Jisu Karisito.

Ni oti na veiyabaki ni sasaga gumatua, a ciqoma o Eli e dua na veisureti ni veivakatarogi ena dua na nona digidigi cecere ni koronivuli ni lawa. Kaya o koya, “Na iotioti ni taro na, ‘O rawata mai vei na nomu kabasi ni vakarau kilikili?’ Au kaya kevaka e umana taucoko tu na kawatamata na ivakavuvuli i Jisu Karisito ena iVunau ena Ulunivanua, ena vanua vinaka cake ka sautu sara na vuravura.” Sa cava na veivakatarogi, ka nanuma o koya, “Sa cava ekea na noqu tatadra vakagone. E sega ni dua ena buturara vakavuli e via rogoci Jisu Karisito.”

Rua na macawa tarava, a vakacurumi o Eli ena dua na sikolasivi. Ni bera ni cavuikalawa, keitou a sikova na loma ni bai ni koronivuli. Talei sara, ni keitou lako curuma tu na valenivola vakasakiti kei na buturara mareqeti, keitou raica ena itoko eso ka ceuti tu ena vatu na ivakavuvuli mai na iVunau ena Ulunivanua.

Na iVunau ena Ulunivanua sa ivakavuvuli vakamareqeti uasivi saraga me bau tukuni, ka ivuvu ni kena ivakavuvuli. E sega tale ni dua na ivunau e rawa ni vukei keda vakavinaka ni kila deivaki na ivakarau i Jisu Karisito, Nona ivalavala tabu, kei na noda inaki vakaoti ni vakataki Koya tu.

Sa gadrevi meda tutuvaka na Rarama i Jisu Karisito kina veituvaki ni noda bula.