Sauniga o le Afiafi o le Aso Toonai
Ma Ua Matou Tautalatala e Uiga ia Keriso
O Nai Vaega
O perofeta soifua i o tatou taimi—o e maua faaaliga mai le Atua e aoao ma taitai ai i tatou—o loo faateleina le valaaulia o i tatou e o mai ia Keriso. … E mafai ona tatou tolaulauina le anoano o faataitaiga o fetuunaiga ma faalautelega na fofoga mai e le Au Peresitene Sili, ua mamanuina e taulai atu ai i tatou ia Iesu Keriso. …
Se’i o tatou tilotilo toto’a i le aafiaga o nisi o nei mea. Muamua, o le faatusa o le Ekalesia.
… O lenei faatusa e atagia mai ai le upumoni o Keriso o loo i le totonugalemu o Lana Ekalesia, ma e tatau foi ona i ai i le totonugalemu o o tatou olaga. …
… O lea faatusa o se ata vaaia lea o le alofa o le Faaola o Iesu Keriso ma o se faamanatu faifaipea o le Keriso soifua. …
Se’i o tatou mafaufau nei i le taua o le Eseta. … A faapuupuu, ua fautuaina i tatou e faase’e atu i se faamanatuga maualuga atu ma sili ona paia o le Eseta. …
O le Eseta e faatagaina ai i tatou e faamamalu le taulaga togiola a Iesu Keriso ma le Toetu moni ma le olioli o Ia. …
… E ui e foliga mai ua i ai se itu ua faatupulaia le lilifa i ai o le aufaitofā iloga faaKerisiano, e vaai i le Toetu i ni faaupuga faafaatusa, tatou te faamautinoa lava la tatou aoaoga faavae autu e faapea, “o le Toetu o lona uiga o i latou uma na feola, o le a toetutu, ma o le Toetu e moni lava.” … Na motusi e Iesu Keriso noataga o le oti mo tagata ola uma. …
I le faaiuga, ou te molimau atu e faapea, o i latou uma e taliaina valaaulia mai lo tatou perofeta soifua ma ona fesoasoani ina ia faamanatuina atili ma le loto i ai gaoioiga paia ia e faatusa i ai le Eseta, o le a latou iloa ai ua atili faatupulaia le malosi o la latou sootaga ma Iesu Keriso.