Sauniga o le Taeao o le Aso Sa
O Meaalofa Sili a le Faavavau: Togiola a Iesu Keriso, Toetu, Toefuataiga
O Nai Vaega
I tausaga ua mavae, o le matou vasega o le talalelei i le vaveao sa taulotoina fuaiupu o le Tusi Paia. Sa ou fiafia lava au i fuaitau pupuu. Sa aofia ai le Ioane 11:35—o le fuaiupu sili ona puupuu i tusitusiga paia, na o le tolu upu—“Sa tagi Iesu.”
Mo au i le taimi nei, ua tagi Iesu i le faanoanoa ma o le olioli e molimauina ai le moni faavavega: na afio mai le Alo paia o le Atua i le olaga faaletino ma aoao ai e tusa ma la le tino i le auala e i ai faatasi ai pea ma faamanuia ai i tatou.
Pe a tatou fetagisi i le faanoanoa po o le olioli, e malamalama lelei lava Iesu Keriso. E mafai e Ia ona i ai i taimi e sili ona tatou manaomia ai meaalofa maoae a le faavavau: le Togiola a Iesu Keriso, Toetu, toefuataiga. …
O le Eseta ia Iesu Keriso e mafai ai ona tatou lagona le faamaoniga a le Atua. E ta’u mai e le lalolagi lenei ia i tatou ua tatou uumi tele, pupuu tele, lautele tele, lauitiiti tele—e lē lava le atamamai, aulelei, po o le faaleagaga. E ala i le liua faaleagaga ia Iesu Keriso, e mafai ai ona tatou sao mai le manatu e le agavaa ma le vaai faatauvaa. …
O le fuafuaga a le Tamā o le faitalia ma le filifili tonu i le olaga nei, ua mafai ai ona tatou aoao e ala i o tatou lava aafiaga. … I le alofa, na afio maualalo ai Iesu Keriso, ma toe afio a’e i luga a’e o mea uma. E olioli o Ia i o tatou gafatia paia mo le fatufatu meafou ma le fiafia, agalelei e aunoa ma se manatu i se taui, faatuatua seia oo ina salamo ma le faamagaloga. Ma e tagi foi o Ia i le faanoanoa i le maoa’e o o tatou puapuaga faaletagata, o le agaleaga, faaitu’au—lea e tele ina aumaia i filifiliga a le tagata—faapei foi ona faia e lagi ma le Atua o le lagi ia i latou. …
O le Eseta lenei ia Iesu Keriso: Ua tali e Ia faanaunauga o o tatou loto ma fesili a o tatou agaga. Ua Ia soloiesea o tatou loimata, vagana ai o tatou loimata o le olioli.