Sauniga o le Taeao o le Aso Sa
O Taimi o le Toefuataiga o Mea Uma
O Nai Vaega
O le faatulagaga aloaia o Le Ekalesia a Iesu Keriso o le Au Paia o Aso e Gata Ai o le taualuga lea o se soloa’iga o aafiaga faavavega. …
O le faaali ane o le Tamā ma le Alo ia Iosefa Samita, o le faaliliuga ma le oo mai o le Tusi a Mamona, ma le toefuataiga o le pule o le perisitua ma ki, o ni mea sa tatau ai e manaomia mo le faatulagaina o le Ekalesia toefuatai a le Alii i le 195 tausaga talu ai i le asō.
E tasi le tausaga i le mavae ai o le faatulagaga o le Ekalesia, sa faatonuina ai Iosefa Samita e le Alii e faapea, o ki o le malo o le Atua “ua tuu atu i tagata i luga o le lalolagi” ma o le “talalelei [a Iesu Keriso o le a] taavale atu i luma i tuluiga o le lalolagi, e pei o le maa na tofi mai le mauga e aunoa ma lima.”
Ou te molimau atu: O loo faataunuuina e le Alii Lana folafolaga. …
… E avea o se vaega o le toefuataiga o mea uma na valoia i aso e gata ai, sa faaee patino ai e perofeta ma aposetolo anamua le pule o le perisitua i luga o Iosefa Samita ma tuuina atu ki o le perisitua ia te ia. …
O le galuega a le Alii i aso e gata ai “o se fuafuaga na faananau i ai le nuu o le Atua i tupulaga uma; ma o se manatu autu lea na tulimatai i ai ma se fiafia uiga ese ia perofeta, ositaulaga ma tupu; na latou tulimatai i ai ma se faamoemoega fiafia mo le aso lenei ua tatou ola ai; faatasi ai ma le uunaiga o faamoemoega faalelagi ma le fiafia na latou pepese ai ma tusitusia ma valoia lo tatou aso lenei.” …
O le “tala lelei” e sili ona taua ma viia e mafai e soo se tagata i soo se mea ona maua o le, ua toefuatai mai ai e le Alii o Iesu Keriso Lana talalelei ma le Ekalesia i aso e gata ai.
O Le Ekalesia a Iesu Keriso o le Au Paia o Aso e Gata Ai o le Ekalesia lea o le Feagaiga Fou a Keriso ua toefuatai.