O le Togiola a Iesu Keriso ua Saunia ai le Laveaiga Silisili

O le aafiaga o paionia ua maua ai e le Au Paia o Aso e Gata Ai se agaifanua faasolopito tulagaese ma se talatuu mamana faaleagaga tuufaatasi.

O le toatele o le Au Paia o taavaletosolima na oo i faigata ae na alofia ni faafitauli tetele na tutupu. Ae o kamupani taavaletosolima e lua, le kamupani a Uili ma le kamupani a Matini, sa oo i le matelaina i le fia’a’ai, aafia i le tau malulu aisā, ma le toatele na maliliu. …

Na faato’a iloa e Peresitene Polika Iaga le tulaga faigata o nei kamupani i le aso 4 Oketopa, 1856. …

Sa ia talosagaina epikopo e saunia ni vaega se 60 o asini, 12 taavaletoso pe sili atu, ma le 12 tane (10,886 kg) o falaoamata ma folafola atu, “O atu ia ma aumai na tagata o i laufanua valevalenoa i le taimi nei.”

… Ana le seanoa le laveaiga faanatinati, se mea manu e toatele atu nisi e fano ai. …

A aunoa ma le Togiola, e le mafai ona tatou laveaia i tatou lava mai le agasala ma le oti. …

I lenei vaitau o le Eseta, o le tatou taulaiga ua tuu atu i le Faaola ma Lana taulaga togiola. O le Togiola ua aumaia ai le faamoemoe ma le malamalama i se taimi, mo le toatele e foliga mai ua pogisa ma pagatia. …

Ou te faasoa atu ni fautuaga se tolu lea ou te manatu e fitoitonu patino mo o tatou aso.

Muamua, aua ne’i vaai faatauvaa i le taua o le faia o mea tatou te mafaia e laveai ai isi mai luitau faaletino aemaise lava luitau faaleagaga.

Lua, ia talia ma le lotofaafetai le Togiola a le Faaola. …

O la’u fautuaga lona tolu o le tuu ese lea o se taimi faifai pea e mafaufau ai ma le faamaoni i le Togiola a le Faaola. E anoanoai auala e faia ai lenei mea i a tatou tausiga patino faalelotu. Paitai, o le auai i le lotu faamanatuga ma le taumamafa i le faamanatuga e faapitoa lava le taua.

E tutusa foi le taua ma le auai soo i se malumalu i nofoaga e mafai ai. …

… O le Togiola a Iesu Keriso ua saunia ai le laveaiga silisili mai tofotofoga tatou te feagai i lenei olaga.