Sauniga o le Aoauli o le Aso Toonai
Tapenaga Patino e Feiloai ma le Faaola
O Nai Vaega
A saunoa Peresitene Nelson e uiga i le Afio Mai Faalua, e faia lava i taimi uma ma le olioli o le faamoemoe. Peitai, sa fai mai talu ai nei ia te au se teineitiiti o le Peraimeri, e popole lava o ia i soo se taimi e ta’ua ai le Afio Mai Faalua. Fai mai a ia, “Ou te fefe ona o le a tutupu mea leaga a o le’i toe afio mai Iesu.”
O le fautuaga sili mo ia, mo oe, ma mo a’u foi o le, ia mulimuli i aoaoga a le Faaola. …
I le aga atu i le faaiuga o Lana misiona faaletino, sa fesiligia ai Iesu Keriso pe o afea e toe afio mai ai. …
Sa muamua faamatala e le Faaola le faataoto i taupou e toasefulu. …
O le lesona e tatau ai o lenei faataoto i taupou e toasefulu e faapea, tatou te popoto pe a tatou talia le talalelei, saili ia mafutaina i tatou e le Agaga Paia, ma aloese mai le faaseseina. … E tatau ona tatou faia lenei mea mo i tatou lava.
Ona faamatala mai lea e le Faaola o le faataoto i taleni. …
O le tasi savali o lenei faataoto e faapea, o loo faamoemoe le Atua ia tatou faalauteleina tomai na tuuina mai ia i tatou, ae e le finagalo o Ia tatou te faatusatusaina o tatou tomai i tomai o isi. …
Ma le mea mulimuli, na faamatala e le Faaola le faataoto i mamoe ma ‘oti. …
O le lesona o le faataoto a le Faaola i mamoe ma ‘oti e faapea, e tatau ona tatou faaaogaina meaalofa ua tuuina mai ia i tatou—o taimi, taleni, ma faamanuiaga—e auauna atu ai i fanau a le Tama Faalelagi, aemaise o i latou e sili ona vaivai ma manaomia le fesoasoani.
O la’u valaaulia i le tamaitiiti Peraimeri atuatuvale sa ou ta’ua muamua, ma outou taitoatasi o le, ia mulimuli ia Iesu Keriso ma ia faalagolago i le Agaga Paia e pei ona e faia i se uo faapelepele.