Sauniga o le Aoauli o le Aso Toonai
“O Le Mea Lea e Iloa ai e Tagata Uma Lava o O’u Soo Outou”
O Nai Vaega
“Ia outou fealofani,” sa fetalai ai Iesu. “O Le Mea Lea e Iloa ai e Tagata Uma Lava o O’u Soo Outou.” E tele lava, o se uluai molimau a se tagata e uiga ia Iesu Keriso e oo mai pe a ia lagonaina le alofa faatasi ma soo o Iesu Keriso. …
Soo se tasi lava e saili i se faatuatua sili atu ia Keriso po o se fesootaiga latalata atili i le Tama Faalelagi e tatau ona lagonaina le i ai i le aiga i Le Ekalesia a Iesu Keriso o le Au Paia o Aso e Gata Ai. …
O lea la, a o tatou taofimau ai i tatou lava i tulaga faatonuina maualuluga a le Alii, ia tatou onosai foi i le tasi ma le isi. …
… Ina ia tasi le loto, e tatau ona mama o tatou loto, ma e manaomia ai se liuga tele o le loto.
Ae e le faapea ia sui lo’u loto ia ogatusa ma lou loto. Pe sui foi lou loto ia ogatusa ma lo’u loto. O lona uiga ia sui uma o tatou loto ia ogatusa ma le Faaola. …
Ma afai e te lagonaina e te le o fetaui lelei i ai, faamolemole ia iloa e le o tuua na o oe. …
… Ua tasi i tatou, e le ona o le mea sa tatou i ai ae o le mea o loo tatou taumafai e o i ai, e le ona o le tagata ua tatou i ai ae o le tagata tatou te saili e avea ai.
O le uiga atoa lena o le Ekalesia moni a le Faaola. …
Ae a pe afai e ese oe mai tagata o siomia oe? E le faapea o le a lē fetaui ai la mo oe—e faia ai oe ma vaega moomia o le tino o Keriso. …
E lē faapea la o lau galuega ia suia tagata uma ina ia faapei o oe. Ae o lona uiga e i ai se mea taua e te saofagā ai—ma e i ai se mea taua e te aoaoina!