Fesoasoani Faalelagi mo le Olaga Nei

O le mea mautinoa, o le fesoasoani faaletino aupito malosi a le Atua o Lona saunia lea o se Faaola, o Iesu Keriso, o lē o le a puapuagatia e totogi le tau ma tuuina mai le faamagaloga mo agasala e salamoina. …

O le fuafuaga a lo tatou Tama Faalelagi ua saunia ai isi fesoasoani e taiala ai i tatou ia tatou faigamalaga i le olaga nei. O le a ou tautala e uiga i le fa o nei mea. …

Muamua, ou te talanoa atu e uiga i le Malamalama po o le Agaga o Keriso. I lana aoaoga maoae i le Tusi a Moronae, o loo sii mai ai e Moronae aoaoga a lona tamā e faapea, “ua tuuina mai i tagata taitoatasi le Agaga o Keriso, ina ia mafai ona iloa e ia le lelei mai le leaga” (Moronae 7:16). …

O le lona lua o lagolago maoae ua tuuina mai e le Alii e fesoasoani ia i tatou e filifilia le mea e tonu o se fuifui o faatonuga faalelagi i tusitusiga paia o se vaega o le ata o le faaolataga (le fuafuaga o le fiafia). O nei faatonuga o poloaiga, sauniga, ma feagaiga.

Opoloaiga ua faauiga ai le ala ua faailogaina e lo tatou Tama Faalelagi mo i tatou ina ia agai atu ai i le ola e faavavau.

Osauniga ma feagaiga o ni vaega o le tulafono o loo faamatalaina ai le ala i le ola e faavavau. …

O isi fesoasoaniga ua tuuina mai e le Atua mo le faia o filifiliga tonu, o faaaliga a le Agaga Paia. …

O se tasi o fesoasoaniga sili ona taua a le Atua mo Ana fanau faamaoni, o le meaalofa o le Agaga Paia. …

Faatasi ai ma le anoanoai o fesoasoaniga mamana e taiala ai i tatou i a tatou faigamalaga i le olaga nei, o se mea e le fiafia ai ona o le toatele naua o loo nofoa’i ma le lē saunia mo la latou feiloaiga faatulagaina ma lo tatou Faaola ma le Togiola, o Iesu Keriso. …

O le lotomaualalo ma le faalagolago i le Alii o vaifofo ia mo na faaletonu.