E Pei o se Tamaitiiti

Na “valaau atu … [Iesu] i le tamai itiiti, …

“Ua faapea atu, E moni, ou te fai atu ia te outou, a le liua outou, ma avea ia pei o tama iti, tou te le sao lava i le malo o le lagi.

“O lenei o sē faamaulalo o ia ia te ia e pei o le tama itiiti nei, e sili lea i le malo o le lagi.” …

… O le a le mea na mafua ai ona tagi Keriso lava Ia i le vaaiga sili na faaootia loto i le Tusi a Mamona atoa? O le a le mea na aoao atu e Iesu ina ua Ia auina ifo le afi faalelagi ma agelu puipui e siomia na fanau, ma poloaiina tagata matutua e “faauta i [o latou] tamaiti”?

Tatou te le iloa pe o le a le mea na uunaia ai na mea uma, ae ou te manatu e i ai se sootaga ma lo latou mamā a’ia’i ma le lotomamā, lo latou lotomaualalo e fananau mai ma i latou, ma le mea e mafai ona aumaia i o tatou olaga pe afai tatou te faatumauina. …

Ae e alolofa moni lava tamaiti ia te Ia, ma e mafai ona tauave lena alofa i isi o a latou sootaga i malaetaalo o le olaga. I le avea ai o se tulafono, e oo a i tausaga mu’amu’a o o latou olaga, e faigofie lava ona alolofa tamaiti, e vave ona loto faamagalo, ma matua’i taliē fiafia, e mafai ona faaliusuavai ai se loto sili ona malō, ma faigata.

Ia, e alu pea lava pea le lisi. Mama a’ia’i? Faatuatuaina? Lototele? Amioga?

Tuafafine ma uso ma uo, i le pito i luga o le lisi o ata sili ona matagofie ou te iloa, o pepe ma tamaiti ma le autalavou e faaeteete ma le le mafaatauina e pei o ata ua tatou ta’ua i le asō. Ou te molimau atu o i latou o ni ata faatusa o le malo o le Atua o loo lauusiusi i le lalolagi i lona malosi ma le matagofie uma.