Sauniga o le Taeao o le Aso Toonai
I Luma Tonu o o Tatou Mata
O Nai Vaega
Tatou te faafetai i lo tatou i ai i le lalolagi i se taimi ua faateleina ai le Ekalesia i fuainumera ma faatosinaga, ae o le mea aupito taua, i loto ma olaga o ona tagata auai. …
O le asō, ua i ai i le Ekalesia malumalu e 367 i tulaga eseese o le mamanuina, fausiaina, pe ua faagaoioia. … Uso e ma tuafafine, ua tatou faanatinatia lo tatou paia a o tatou ola agavaa mo le malumalu, a o tatou tapuai i totonu o le maota o le Alii, ma a o tatou osi feagaiga ma le Atua mo i tatou lava ma e fai ma sui o o tatou augatuaa o i le isi itu o le veli. …
Ua tatou vaaia le faanatinatiina e le Alii o Lana galuega i misiona. … E sili atu nai lo o fuainumera, o le agaga o le faapotopotoina ua aumaia ai agaga ia Iesu Keriso ma Lana talalelei. …
Ua tatou vaaia le faanatinatiina e le Alii o avanoa faaleaoaoga mo o tatou tagata, faapea foi ma tagata e le auai i le tatou faatuatuaga, i le lalolagi atoa. …
O le taimi nei ua silia i le 800,000 tagata aoga i le lalolagi atoa ua lesitalaina i le seminare ma le inisitituti, o le fuainumera aupito maualuga lea i le talafaasolopito o le Ekalesia. …
O le isi itu ua faaalia ai le tuputupu a’e faateleina o aoaoga a le Ekalesia o le BYU-Pathway Worldwide. … O le faamae’aina o le kosi o lona uiga o le maua o se galuega, ma o le maua o se galuega o lona uiga o se olaga lelei atu mo aiga ma avanoa e tele atu e auauna ai i le Alii. …
Ua ou vaai i le ogatotonu o tala fiafia e uiga i le talalelei, o loo i ai i latou o e o tauivi, o e o loo luitauina faatuatua, masalosalo, ma fesili ia e foliga mai e leai ni tali. Uso e ma tuafafine, o Iesu Keriso o le tali lea. Amata ia te Ia. Vaavaai mo Lona aao i lou olaga. Faalogo ia te Ia. …
Ia iloa e malamalama o Ia.