Адам, Ева хоёр

Адам, Ева хоёр бол энэ дэлхий дээр амьдарч байсан Тэнгэрлэг Эцэгийн анхны хүүхдүүд юм. Тэд Еденийн цэцэрлэгт амьдардаг байв.

Бурхан тэдэнд нэгээс бусад бүх модны жимснээс идэхийг зөвшөөрөв. Хэрэв тэд сайн, муугийн мэдлэгийн модноос хүртвэл цэцэрлэгийг орхин, эцэст нь үхэх байв. Гэвч Сатан тэдэнд худал хэлжээ. Тэр тэдэнд жимснээс хүртэх юм бол сайн, мууг мэдэж авахаас гадна үхэхгүй гэв.

Ева жимсийг идэх сонголт хийв.

Дараа нь тэр Адамд жимснээс өгөв. Тэр мөн уг жимсийг идэхийг сонгов.

Бурхан, Есүс Христ хоёр Адам, Ева хоёр дээр ирэхэд тэд айж, нуугдав. Бурхан тэднийг уг модны жимснээс идсэн эсэхийг асуужээ.

Адам, Ева хоёр уг жимснээс идсэн гэдгээ хэлэв. Ингээд тэд Еденийн цэцэрлэгээс явах ёстой болжээ. Гэхдээ Бурханд тэдэнд зориулсан төлөвлөгөө байлаа. Адам, Ева хоёр сайныг муугаас ялгаж мэддэг бас үр хүүхэдтэй болох боломжтой болсон.

Адам, Ева хоёр Бурханы зарлигуудад дуулгавартай байх болно гэж амлав. Тэд Бурханы Хүү Есүс Христийн талаар илүү ихийг мэдэж авав. Тэр тэдний гэр бүлийг Бурхан руу эргэн очиход туслах учраас тэд маш их аз жаргалтай байлаа.