Иосеф сайн мэдээний төлөө амиа өгсөн

Олон хүн Иосеф Смитэд болон Сүмд уурлаж байв. Тэдэнд Иосефын зааж байгаа зүйл таалагдсангүй. Зарим нь бүр түүнийг алахыг хүсэж байлаа.

Хууль зөрчсөн эсэхээ шүүхээр шийдвэрлүүлэхээр Иосеф Картейж хот руу явах ёстой болов. Тэр Эммаг болон хүүхдүүдээ адисалж, салах ёс гүйцэтгэн, Картейж руу явлаа.

Иосефын ах Хайрум болон бусад найз нь түүнтэй хамт явав. Явах замдаа Иосеф Науву руу эргэж харав. Тэр: “Энэ бол тэнгэрийн доорх хамгийн сайхан газар, хамгийн сайн хүмүүс” гэж хэлжээ.

Картейжид эрчүүдийг шоронд хорив. Хайрум тэдэнд Мормоны Номоос уншиж өгч байлаа. Иосеф харгалзагчдад Мормоны Ном үнэн гэдгийг хэлэв.

Тухайн өдрийн орой уурлаж хилэгнэсэн буутай хүмүүс шорон руу дайран орж ирлээ. Тэд Иосеф болон түүний найзуудын байсан өрөө рүү буудаж эхлэв. Харин Хайрум, Иосеф хоёр амиа алдав.

Гэгээнтнүүд Иосеф, Хайрум хоёрыг нас барсныг мэдээд маш ихээр гашуудав. Гэсэн хэдий ч Сүм өсөж хөгжин, дэлхий даяарх Бурханы хүүхдүүдийг адисалсаар байна гэдгийг тэд мэдэж байлаа.