Ipinanumbalik ang Priesthood

Sa Biblia ay mababasa natin kung paano bininyagan ni Juan Bautista si Jesucristo. Si Juan Bautista ay may Aaronic Priesthood—ang awtoridad ng Diyos na magbinyag. Bininyagan si Jesus para magpakita ng halimbawa sa atin.

Habang isinasalin ni Joseph Smith ang Aklat ni Mormon, nabasa nila ni Oliver Cowdery ang tungkol sa binyag. Nang manalangin sila para mas marami pang matutuhan, nagpakita si Juan Bautista! Ibinigay niya sa kanila ang Aaronic Priesthood.

Ang awtoridad ng Diyos na magbinyag ay nasa mundo nang muli! Bininyagan nina Joseph at Oliver ang isa’t isa sa ilog.

Sa pamamagitan ng Aaronic Priesthood sa lupa, maaari tayong mabinyagan na tulad ni Jesucristo. Maaari nating pagsisihan ang masasamang desisyon at maging malinis muli.