Ang Unang Pangitain

Mababasa mo ang kuwentong ito sa Joseph Smith—Kasaysayan 1:1–20.

Pinagmamasdan ni Joseph Smith ang isang lalaking nangangaral sa isang grupo

Noong binatilyo pa si Joseph Smith, maraming simbahan ang nagturo ng iba’t ibang bagay tungkol kay Jesucristo. Hindi alam ni Joseph kung aling simbahan ang sasalihan.

si Joseph Smith habang nagbabasa ng Biblia

Isang araw, nabasa niya sa Biblia ang Santiago 1:5. Sabi roon kung kailangan natin ng karunungan, maaari tayong humingi sa Diyos. Nagpasiya si Joseph na gawin iyon.

Si Joseph Smith habang naglalakad sa kakahuyan

Isang magandang araw ng tagsibol, nagpunta si Joseph sa kakahuyan para manalangin sa Ama sa Langit.

Lumuhod si Joseph at nagsimulang magdasal. Pero naramdaman niya ang kadiliman sa paligid niya. Natakot si Joseph. Humingi siya ng tulong sa Diyos.

Ang Ama sa Langit at si Jesucristo na nagpakita kay Joseph Smith

Biglang nakita ni Joseph ang isang maningning na liwanag na bumababa mula sa langit. Nakita niya ang Ama sa Langit at si Jesucristo na nakatayo sa hangin. Binanggit ng Ama sa Langit ang pangalan ni Joseph. Pagkatapos ay itinuro Niya si Jesucristo at sinabi, “Ito ang Aking Pinakamamahal na Anak. Pakinggan Siya!”

Sinabi ni Jesus kay Joseph na huwag siyang sumapi sa alinman sa mga simbahan.

si Joseph Smith habang nakaluhod at nakatingala

Tutulong si Joseph na ipanumbalik ang kabuuan ng ebanghelyo sa lupa.

Si Joseph Smith na nakangiti at papaalis sa kakahuyan

Hindi na nalito si Joseph. Napuspos siya ng kaligayahan! Alam niyang mahal siya ng Diyos. Hindi naniniwala ang ilang tao na nakita niya ang Ama sa Langit at si Jesucristo, pero alam niya na ito ay totoo.