Ko e Fakaangaanga ki he Moʻui Fakafaifekaú

Taki fealēleaʻakí: Fakaafeʻi ʻa e kau mēmipa ʻo e kalasí ke nau fakakaukau ki ha ngaahi taimi naʻe fiemaʻu ai ke nau fakaangaanga ki ha ngaahi tūkunga foʻou ʻi heʻenau moʻuí. ʻE lava ʻo kau ʻi he ngaahi sīpingá ʻa e hiki ki ha ʻapi foʻoú, kau ki he Siasí, fetongi ʻapiakó, feʻiloaki mo ha taha foʻou, pe kamata ʻi ha ngāue foʻou. Kole ange ke nau vahevahe pe naʻe fēfē ʻa ʻenau aʻusiá. ʻE lava ʻo tokoni ʻa e ngaahi fehuʻi hangē ko ʻení ʻi he fealēleaʻaki ko ʻení:

Taki fealēleaʻakí: Fakaʻaliʻali ha fakatātā ʻe taha pe lahi ange ʻo ha kau faifekau taimi kakato, hangē ko ʻení. Fakaafeʻi e kau akó ke nau vahevahe ʻa e meʻa ʻoku nau ongoʻi ʻe fakafiefia fekauʻaki mo e hoko ko ha faifekau taimi kakató pea mo e meʻa ʻe lava ʻo faingataʻa fekauʻaki mo iá.

Taki fealēleaʻakí: Fakamatalaʻi ange ʻe maheni ʻa e kau mēmipa ʻo e kalasí ʻi he ʻekitivitī ako ko ʻení, mo ha maʻuʻanga tokoni ʻoku ui Ko e Fakaangaanga ki he Moʻui Fakafaifekaú (2013). Tokoniʻi kinautolu ke nau maʻu ʻa e Ko e Fakaangaanga ki he Moʻui Fakafaifekaú ʻi he Gospel Library (Laipelí > Ngaahi Tohi Tuʻutuʻuní mo e Ngaahi Uiuiʻí > Ngaahi Uiuiʻi Fakamisioná > Ko e Fakaangaanga ki he Moʻui Fakafaifekaú). Fakafeʻiloaki ʻa e maʻuʻanga tokoni ko ʻení ʻaki hano vahevahe ʻa e ngaahi fakahinohino ko ʻení:

Taki fealēleaʻakí: ʻE lava ke tokoni ʻa e ʻekitivitī ko ʻení ki he kau mēmipa ʻo e kalasí ke nau maʻu ha aʻusia fakafoʻituitui ʻo e feangai mo e Fakaangaanga ki he Moʻui Fakafaifekaú. Te ne lava foki ʻo teuteuʻi mo ueʻi kinautolu ke nau ako lahi ange mei he maʻuʻanga tokoni ko ʻení ʻiate kinautolu pē.

Fakaʻaliʻali ʻa e ngaahi fakahinohino ko ʻení pea ʻoange ki he kau akó ha miniti ʻe 10–15 ke nau fakakakato ʻa e ʻekitivitií.

Taki fealēleaʻakí: Ka hili hono ako ʻe he kau mēmipa ʻo e kalasí, fakaafeʻi kinautolu ke vahevahe ʻa e meʻa ne nau akó mo hanau hoa pe kiʻi kulupu. Te ke lava ʻo fakaʻaliʻali ʻa e ngaahi fehuʻi ko ʻení pea fakaafeʻi ʻa e ngaahi hoá pe kau mēmipa ʻo e kulupú ke nau aleaʻi fakataha kinautolu:

Taki fealēleaʻakí: ʻOange ha taimi ki he kau mēmipa ʻo e kalasí ke nau fakakaukau ki he meʻa kuo nau akó pea fokotuʻu ha ngaahi taumuʻa. Te ke lava ʻo fakaʻaliʻali ange ʻeni kiate kinautolu:

Taki fealēleaʻakí: Fakakaukau ke hiki e tali ʻa e kau akó ki he fehuʻi ko ʻení ʻi he palakipoé.

Taki fealēleaʻakí: Te mou lava ʻo aleaʻi ʻa e lea ko ʻeni ʻa ʻEletā Tēvita A. Petinaá, ko ha konga ʻo hoʻomou fealēleaʻakí.

Taki fealēleaʻakí: Fakamatalaʻi ange ʻe tokoni ʻa e ʻekitivitī ako ko ʻení ki he kau mēmipa ʻo e kalasí ke nau maʻu ha tali ki ha niʻihi ʻo ʻenau ngaahi fehuʻí. Fakaʻaongaʻi ha taha pe lahi ange ʻo e ngaahi fakakaukau ko ʻení ke tokoni ke mahino lelei ange kiate kinautolu ʻa e tuʻunga ʻo e ngāue fakafaifekau taimi kakató.

• Fakaafeʻi ha niʻihi tokosiʻi ʻo e kau ʻosi ngāue fakafaifekaú ke nau ōmai ki he kalasí ʻo tali e ngaahi fehuʻi ʻa kinautolu ʻoku kaú (fakakaukau ke fakaafeʻi fakatouʻosi ha kau faifekau akoʻi mo ha kau faifekau tokoni). Te nau lava ʻo fakamatalaʻi foki ha ʻaho angamaheni ʻo ha faifekau. Poupouʻi ʻa e kau ʻosi ngāue fakafaifekaú ke nau fakamatalaʻi ʻa e founga ʻo ʻenau ongoʻi e tokoni ʻa e ʻEikí mo fakaʻau ke ofi ange kiate Ia ʻi he lolotonga ʻo ʻenau ngāue fakafaifekaú.

• Huluʻi ha taha ʻo e ngaahi foʻi vitiō ko ʻení ʻokú ne fakatātaaʻi ʻa e ongo ʻoku maʻu ʻi he Senitā Akoʻanga Fakafaifekaú: “The England Missionary Centre” (3:06; ChurchofJesusChrist.org) pe “Provo Missionary Training Centre Tour” (8:42; YouTube). Te mou lava ʻo huluʻi foki ʻa e “Kau Faifekau Tokoni kei Talavou ʻo e Siasí: ʻI Heʻenau Tokoni ki he ʻEikí” (3:40; ChurchofJesusChrist.org) ke tokoni ki he kau mēmipa ʻo e kalasí ke nau ʻilo ki he ngaahi faingamālie ngāue fakafaifekau tokoní.

• Fakaafeʻi e kau akó ke nau lau ʻa e “Ngaahi ʻEkitivitī Fakaʻaho Angamahení” (2.4.1) mo e “Sīpinga Taimi-tēpile Fakaʻahó” (2.4.2) ʻi he Ngaahi Tuʻunga Moʻui Fakafaifekau ki he Kau Ākonga ʻa Sīsū Kalaisí. Te nau lava ʻo maʻu ʻa e maʻuʻanga tokoni ko ʻení ʻi he Gospel Library (Laipelí > Ngaahi Tohi Tuʻutuʻuní mo e Ngaahi Uiuiʻí > Ngaahi Uiuiʻi Fakamisioná > Ngaahi Tuʻunga Moʻui Fakafaifekau maʻá e Kau Ākonga ʻa Sīsū Kalaisí).

Ka hili ʻenau fakakakato ʻa e ʻekitivitií pe ngaahi ʻekitivitī naʻá ke filí, ʻoange ha faingamālie ki he kau mēmipa ʻo e kalasí ke nau aleaʻi ʻa e meʻa ne nau akó. Te ke lava ʻo fai ha ngaahi fehuʻi hangē ko ʻení:

Taki fealēleaʻakí: Ko ha founga ʻe taha te ke lava ai ʻo tokoniʻi ʻa e kau akó ke nau “hoko ko ha faifekau” kimuʻa pea nau toki ngāue fakafaifekaú, ko hano ʻoange kiate kinautolu ha ngaahi faingamālie ke nau akoako akoʻi ha niʻihi kehe. Fakakaukau ke kole ki he kau mēmipa ʻo e kalasí ke nau kumi ʻa e lēsoni 1, 2, pe 3 ʻi he vahe 3 ʻo e Malanga ʻAki ʻEku Ongoongoleleí. Fakaafeʻi kinautolu ke nau ako mo teuteu ke akoʻi ha taha ʻo e ngaahi tefito mei he konga “Fakavaʻe Fakatokāteline” ʻo e lēsoní. (Vakai ki he lēsoni 6: “Akoako Faiakó” ʻi he ngaahi fakamatala ʻi he kalasi ko ʻení ki ha ngaahi fakakaukau fekauʻaki mo e founga te mou lava ai ke fokotuʻutuʻu ʻa e aʻusiá ni.)

Ka hili hano maʻu ʻe he kau akó ha taimi feʻunga ke teuteu aí, fakaafeʻi ke nau akoako akoʻi ha taha kehe ʻi he kalasí.

Taki fealēleaʻakí: ʻOange ha taimi ki he kau mēmipa ʻo e kalasí ke nau fakakaukau ki he meʻa kuo nau akó pea fokotuʻu ha ngaahi taumuʻa. Te ke lava ʻo fakaʻaliʻali ange ʻeni kiate kinautolu:

Taki fealēleaʻakí: Lau pea mo aleaʻi ʻa e lea ko ʻeni naʻe fai ʻe Palesiteni M. Lāsolo Pālatí. Te mou lava foki ʻo mamataʻi ʻa e foʻi vitiō “Stay within the Lines” (5:10; ChurchofJesusChrist.org) ko ha konga ʻo e fealēleaʻaki ko ʻení.

Taki fealēleaʻakí: Te mou lava ʻo ako fakataha ke hoko ko ha konga ʻo hoʻomou fealēleaʻaki ko ʻení, ʻa e Tokāteline mo e Ngaahi Fuakava 11:21 mo e ʻAlamā 17:2–3. ʻE lava foki ke kumi ʻe he kau akó ha ngaahi sīpinga ki he founga naʻe teuteuʻi fakalaumālie ai ʻe he Fakamoʻuí Ia ki Heʻene ngāué (hangē ko ʻení, vakai, Mātiu 4:2; Maʻake 1:35; mo e Sione 8:28).

Taki fealēleaʻakí: Fakaafeʻi ʻa e kau akó ke nau ʻai ha lisi fakafoʻituitui ʻo ha ngaahi tali ki he fehuʻi kimuʻá. Te nau lava ʻo vahevahe ha meʻa ʻe taha pe ua ʻi heʻenau lisí mo hanau hoa. Fakamahino ange ʻoku ʻikai totonu ke nau vahevahe ha ngaahi meʻa ʻoku fuʻu fakafoʻituitui.

Taki fealēleaʻakí: Fakamatalaʻi ange ko e kimuʻa ʻi heʻenau ngāue fakafaifekaú, ʻoku ʻinitaviu ʻa e kau teuteu ngāue fakafaifekaú ʻe heʻenau pīsopé mo e palesiteni fakasiteikí ke fakapapauʻi ʻenau tuʻunga moʻui tāú mo ʻenau mateuteu ke ngāué.

Fakaafeʻi ʻa e kau mēmipa ʻo e kalasí ke nau kumi ʻa e ngaahi fehuʻi ʻinitaviu ki he ngāue fakafaifekaú ʻi he “Ngaahi Fehuʻi ʻInitaviú” (Liahona, ʻAokosi 2018, 53–54). Te ke lava ʻo teuteuʻi foki ʻa e ngaahi fehuʻi ko ʻení ʻi ha laʻipepa ke tufa. Fakakaukau ke fakaʻaliʻali ʻa e ngaahi fakahinohino ko ʻení:

Taki fealēleaʻakí: Ka hili hano maʻu ʻe he kau akó ha taimi ke lau kakato ʻa e ngaahi fehuʻi ʻinitaviú, fakakaukau ke aleaʻi ʻa e ngaahi fehuʻi ko ʻení:

Taki fealēleaʻakí: ʻOange ha taimi ki he kau mēmipa ʻo e kalasí ke nau fakakaukau ki he meʻa kuo nau akó pea fokotuʻu ha ngaahi taumuʻa. Te ke lava ʻo fakaʻaliʻali ange ʻeni kiate kinautolu: