Ako mo Akoʻi e Ongoongolelei ʻo Sīsū Kalaisí

Taki fealēleaʻakí: Fakamanatu ki he kau mēmipa ʻo e kalasí “Hoʻo Taumuʻá” (Malanga ʻAki ʻEku Ongoongoleleí, 1). Lau fakataha ʻeni mo e kalasí. Fakamatalaʻi ange ko e founga mahuʻinga ʻe taha ke fakahoko ai ʻe he kau faifekaú ʻa e taumuʻa ko ʻení ko hano akoʻi e ongoongolelei ʻo Sīsū Kalaisí ki he kakai ʻoku nau fetaulaki mo iá.

Fakamahinoʻi ange ko e ngaahi lēsoni ʻoku akoʻi ʻe he kau faifekaú ʻoku maʻu ia ʻi he vahe 3 ʻo e Malanga ʻAki ʻEku Ongoongoleleí. Vahevahe ʻa e ngaahi fakahinohino ko ʻení:

Taki fealēleaʻakí: Te mou lava foki ʻo ako fakataha ha niʻihi ʻo e ngaahi veesi ko ʻení: Tokāteline mo e Ngaahi Fuakava 19:31 33:10–11; 34:4–6; 42:12. ʻE ala aleaʻi ʻe he kau akó ha ngaahi fakakaukau lahi ange ʻoku nau maʻu fekauʻaki mo e meʻa ʻoku finangalo ʻa e ʻEikí ke akoʻi ʻe Heʻene kau faifekaú.

Fakamatalaʻi ange ʻe ako ʻa e kau akó ʻi he ʻekitivitī ko ʻení, ki he founga mo e faʻunga ʻo e ngaahi lēsoni ʻi he vahe 3 ʻo e Malanga ʻAki ʻEku Ongoongoleleí. Ke kamatá, fakakaukau ke ʻoange ki he kau akó ha vakai fakalūkufua nounou ki ha taha ʻo e ngaahi lēsoní. Te ke ala fakaʻaliʻali ʻa e lēsoní ʻi ha lā fakaʻatalahi ʻi hoʻomou toe vakaiʻi fakataha iá. ʻE lava ke tokoni atu ʻa e ngaahi fakahinohino ko ʻení ʻaki hano vakaiʻi fakalūkufua vave:

Taki fealēleaʻakí: Fakaafeʻi ʻa e kau akó ke nau vahevahe ʻa e meʻa ne nau maʻu ʻoku ʻaonga lahi mei he lēsoni naʻa mou vakaiʻi fakatahá. Kapau ʻoku toe lahi e taimí, te ke ala fakamatalaʻi ange ko e “Lēsoni 4: Ko e Hoko ko e Kau Ākonga ʻa Sīsū Kalaisi ʻi he Kotoa ʻo e Moʻuí” naʻe fokotuʻutuʻu kehe ia mei he ngaahi ʻuluaki toluʻi lēsoní. Te mou ala fakamanatu nounou fakataha foki ʻa e lēsoni ko ʻení.

Taki fealēleaʻakí: ʻOange ha taimi ki he kau mēmipa ʻo e kalasí ke nau ako fakaʻāuliliki ange ha taha ʻo e ngaahi lēsoni mei he vahe 3 ʻo e Malanga ʻAki ʻEku Ongoongoleleí. Fakaʻaliʻali ʻa e ngaahi fakahinohino ko ʻení, pea ʻoange ki he kau akó ha meimei miniti ʻe 10 ke nau fakakakato iate kinautolu pē:

Taki fealēleaʻakí: ʻI he taimi kuo ʻosi ai e ako ʻa e kau mēmipa ʻo e kalasí, vahevahe kinautolu ke nau tauhoa pe ki ha fanga kiʻi kulupu. Fakaafeʻi ʻa e tokotaha takitaha ke ne vahevahe ʻa e meʻa naʻa nau tokanga taha ki ai ʻi he ʻekitivitī akó mo e meʻa naʻa nau ako mei heʻenau aʻusiá.

Taki fealēleaʻakí: ʻOange ha taimi ki he kau mēmipa ʻo e kalasí ke nau fakakaukau ki he meʻa kuo nau ako he ʻaho ní pea mo fokotuʻu ha ngaahi taumuʻa. Te ke lava ʻo fakaʻaliʻali ʻa e ngaahi meʻa ko ʻení ke tokoni kiate kinautolu:

Taki fealēleaʻakí: Fakaafeʻi ʻa e kau mēmipa ʻo e kalasí ke nau fakakaukau ki ha ngaahi faingamālie naʻa nau maʻu ke akoʻi ai ʻa e ongoongolelei ʻo Sīsū Kalaisí ki ha niʻihi kehe (hangē ko ʻení, mo honau fāmilí pe kaungāmeʻá, ʻi he lotú, pe ʻi he seminelí pe ʻinisititiutí). Te ke ala kole ki ha taha ako ʻe toko taha pe toko ua ke na vahevahe ʻena aʻusiá, kau ai mo ha meʻa naʻe lele lelei pea mo ha meʻa ʻoku nau ongoʻi naʻe mei lava ke lelei ange.

Fakamatalaʻi ange ʻe lava ke tokoni ʻa e ʻekitivitī ako ko ʻení ke ako ʻe he kau mēmipa ʻo e kalasí ʻa e founga ke akoʻi lelei ange ai ʻa e ongoongolelei ʻa e Fakamoʻuí. ʻE lava ke fakakakato fakafoʻituitui ʻe he kau akó ʻa e ngaahi sitepu kotoa ʻe faá, pe ko haʻo vahevahe kinautolu ki ha ngaahi kulupu tautau toko fā pea vahe ki he mēmipa ʻo e kulupú takitaha ke nau ako ha taha.

Taki fealēleaʻakí: Fakaafeʻi ʻa e kau mēmipa ʻo e kalasí ke vahevahe ʻa e meʻa naʻa nau maʻú ʻi ha fanga kiʻi kulupu pe fakakalasi.

Taki fealēleaʻakí: ʻOange ha faingamālie kiate kinautolu ʻoku kaú ke teuteu mo akoako akoʻi ʻa e fanga kiʻi fakamatala nounou faingofua mei he ngaahi lēsoni ʻi he vahe 3 ʻo e Malanga ʻAki ʻEku Ongoongoleleí. Te mou lava ke fakaʻaongaʻi ʻa e ngaahi fakahinohino ʻi he Lēsoni 6: “Akoako Akoʻí” ke tokoni ke nau teuteu ke fai ʻeni. Poupouʻi ʻa e kau mēmipa ʻo e kalasí ke fakakau ʻa e ngaahi tefitoʻi moʻoni kuo nau ako fekauʻaki mo e faiako leleí ʻi heʻenau faʻu mo vahevahe ʻenau ngaahi fakamatala fakanounoú. Kapau ʻoku toe lahi e taimí, te ke lava ʻo ʻoange ki he kau akó ha ngaahi faingamālie lahi ke nau akoʻi ʻa e fakamatala fakanounou naʻa nau teuteú.

Taki fealēleaʻakí: ʻOange ha taimi ki he kau mēmipa ʻo e kalasí ke nau fakakaukau ki he meʻa kuo nau ako he ʻaho ní pea mo fokotuʻu ha ngaahi taumuʻa. Te ke lava ʻo fakaʻaliʻali ʻa e ngaahi meʻa ko ʻení ke tokoni kiate kinautolu: