Nhai Baba Vangu

1. Nhai Baba, imi mugere

mudengamo munoshamisa,

Ndichakuonai rinhiko

kuti ndione chiso chenyu?

Munzvimbo yenyu tsvene tsvene

Mweya wangu waigara here?

Muhucheche hwangu kudenga,

Ndakarerwa nemi here?

2. Nechinangwa chineuchenjeri

Makandiisa pano pasi

Mukaita kuti ndikanganwe

Nezve kuzvarwa kwekudenga;

Asi kazhinji kanzwi mumwoyo

Kondinyeurira, “Uri mweni,”

Ndikanzwa kuti ndakarasika

Kubva kunzvimbo tsvene.

3. Ndangandadzidza kukutii Baba,

Nemumweya wenyu wekudenga,

Asi, kuzosvikira vhangeri

Radzorerwa, handaiziva sei.

Kudenga mubereki ndomumwe here?

Kwete, zvinopikisa chokwadi!

Chokwadi ichokwadi chose

Amai vangu variko.

4. Kana ndasiya hupenyu huno,

Ndasiya muviri unofa,

Baba, Mai, ndingasangana nemi

Munzvimbo yenyu yokudenga?

Pandinenge ndazopedza basa

rose ramakanditumira pano,

Nerubvumo rwenyu mese

Itai ndizogara nemi.