Appendix

• I nwere okwukwe niime na ọgbụgba ama nke Chineke, Nna nke Ebighị ebi; Ọkpara Ya, Jizọs Kraịst; na Mmụọ Nsọ?

• I nwere ọgbụgba ama nke Aja mgbaghara mmehie nke Jizọs Kraịst na maka ọrụ Ya dịka Onye nzọpụta na Onye mgbapụta gị?

• I nwere ọgbụgba ama nke Mweghachite nke oziọma nke Jizọs Kraịst?

• Ị na-akwado Onyeisi nke Nzukọ nsọ Ahụ nke Jizọs Kraịst nke Ndị Nsọ Ụbọchị Ikpeazụ a dịka onye amụma, ọhụụ ụzọ, na onye mkpughe na dịka onye naanị ya nwere ikikere n’elu ụwa iji ntụghe niile nke ọkwa nchụaja eme ihe? Ị na-akwado ndị otù nke Otù Ndịisi Mbụ na Ndị Kworum Ndị Ozi Iri na Abụọ dịka ndị amụma, ndị ọhụụ ụzọ, na ndị mkpughe? Ị na-akwado ndị ọzọ Ji Ikike Zuruọha na ndị ndụ ime obodo nke Nzukọ nsọ?

• Onyenwe anyị ekwuwo na ihe niile ka a ga “eme n’ịdị ọcha” n’ihu Ya (Ozizi na Ọgbụgba-ndụ niile 42:41). Ị na-agba mbo maka agwa ịdị ọcha niime echiche gị niile na omume gị niile? Ị na-erube isi nye iwu nke ịdị ọcha mmekọrịta?

• Ị na-esoro nkuzi niile nke Nzukọ nsọ ahụ nke Jizọs Kraịst niime omume nke onwe gị na n’ihu ọha n’etiti ndị otù nke ezi na ụlọ gị na ndị ọzọ?

• Ị na-akwado ma ọ bụ bugoo nkuzi niile ọbụla, omume, ma ọ bụ ozizi megidere ndị ahụ nke Nzukọ nsọ Ahụ nke Jizọs Kraịst nke Ndị Nsọ Ụbọchị Ikpeazụ a?

• Ị na-agba mbo idebe ụbọchị Izuike nsọ, ma n’ebe obibi ma na nzukọ nsọ; gaa ọgbakọ gị niile; kwadoo maka ma rie oriri nsọ na ntozu okè; ma bie ndụ gị ka ya na iwu niile na iwu nsọ niile nke ozi ọma magbaa?

• Ị na-agba mbo ịkwụwa aka gị ọtọ niime ihe niile ị na-eme?

• Ịbụ onye na-akwụzu otu ụzọ na ụzọ iri?

• Ị ghọtara ma rube isi nye Okwu nke Amamihe?

• Enwere mmehie ọjọọ niime ndụ gị nke ekwesịrị idozi n’aka ndị ji ikike ọkwa nchụaja dịka otu akụkụ nke nchegharị gị?

• I kwere na gị tozuru okè ịbanye ụlọ nke Onyenwe anyị ma soro n’emume nsọ niile nke tempụl?

Abụ m nwada ahụrụ naanya nke nne na nna nke eluigwe, nwere ọdịdị dị nsọ na akaraka dị ebighị ebi.

Dị ka onye na-eso ụzọ Jizọs Kraịst, ana m agbasi mbọ ike ịdị ka Ya. Ana m achọ mkpughe nke onwe ma na-etinye ya n’ọrụ ma na-elekọta ndị ọzọ n’aha nsọ Ya.

Aga m eguzo ka onye aka ebe Chineke oge niile na n’ihe niile nakwa na-ebe niile.

Dị ka m na-agbasi mbọ ike itozu okè maka mbuli elu, onyinye nke nchegharị na-amasị m nke ukwuu ma ana m achọ ka ndụ m na-adịwanye mma ụbọchị ọbụla. Site na okwukwe, aga m akwalite ebe obibi m na ezi na ụlọ m, ma gbaa ma dobe ọgbụgba ndụ niile dị nsọ, ma nata emume nsọ niile na ngọzi niile nke tempụl dị nsọ.

Abụ m nwa nwoke ahụrụ naanya nke Chineke, ma O nwere ọrụ maka m ịrụ.

Jiri obi m nile, ike, uche, na ume, Aga m ahụ Chineke naanya, dobe ọgbụgba ndụ m niile, ma jiri ọkwa nchụaja Ya jeere ndị ọzọ ozi, bido niime ebe obibi nke m.

Dịka m na-gbalịsie ike ije ozi, nwee okwukwe, chegharịa, ma metazie ụbọchị ọbụla, a ga m etozu okè ịnata ngọzi niile nke tempụl na ọn̄ụ nke oziọma na-anọgide.

Aga m akwado ịbụ onye mgbasa ozi ọma siri ike, di kwesiri ntụkwasị obi, na nna nwere ịhụnaanya, site na-ịbụ ezi onye na-eso ụzọ Jizọs Kraịst.

Aga m enye aka kwado ụwa maka mbịaghachi nke Onye Nzọpụta site nʻịkpọku onye ọbụla ịbiakwute Kraịst ma nata ngọzi nile nke Aja mgbaghara mmehie Ya.

• Ị gaghị enwe chi ndị ọzọ tinyere m.

• Ị gaghị emere onwe gị arụsị apịrị apị.

• Ị agaghị ewere aha Onyenwe anyị Chineke gị mee ihe efu.

• Cheta ụbọchị izuike, idebe ya nsọ.

• Sọpụrụ nna na nne gị.

• Ị gaghị egbu mmadụ.

• Ị gaghị akwa iko.

• Ị gaghị ezu ohi.

• Ị gaghị agba ama ụgha.

• Ị gaghị enwe anya ukwu nʻebe ihe mmadụ ibe gị nọ.

Lee Ọpụpụ 20:3–17.