Jizọs Kraịst ga-enyere gị aka

Abụ ọma 147:3

Jizọs Kraịst bụ ume gị Ọ mewo ihe niile kwesịrị ekwesi maka gị iji nwee ọn̄ụ niime ndụ nke a na mgbe ebighị ebi. Site nʻihọrọ Ya na ozi ọma Ya, ị na-ahọrọ an̄ụrị na ọn̄ụ nke ebighị ebi.

Ọbụna mgbe ị gbara mbọ ịme ike gị ihoro ezi ihe, mgbe ụfọdụ ị ga-eme mmejọ. Ị ga-eme ihe ndị ị ga-ata onwe gị ụta na ị mere. Onye ọbụla na-eme otu ahụ. Mgbe nke a mere, ọ na-adị mfe inwe nkuda mmụọ ma obụ chee ma ị ga-adịkwa mma zuru okè ọzọ. Mana enwere ozi dị mma—ozi dị ịtụnannya ma na-enye nchekube! Niihi na Chineke hụrụ gị naanya, O zitere Ọkpara Ya, Jizọs Kraịst, onye wekwasịrị Onwe Ya mmehie gị niile ka i nwee ike chegharịa, nata mgbaghara, ma na-aga n’ihu.

Eziokwu ndị dị Ebighị ebi

Jizọs Kraịst ga-agba gị ume. Ọ ga-enyere gị aka gbanwee ọchịchọ gị niile, echiche gị, na omume gị niile. Mgbe ị nwere nchekasị obi, na-atụ ụjọ, ma ọ bụ na-adọli nʻụzọ ọbụla, Ọ ga-akasị gị obi. Ọ ga-enyere gị aka nʻebe ihe niile gbasara ndụ gị. Ị nwere ike ịtụkwasị obi na Ya.

Nchegharị abụghị ntaram ahụhụ maka mmehie; ọ bụ ụzọ nke Onye Nzọpụta si atọghapụ anyị site na mmehie. Ichegharị pụtara ịgbanwe―ịtụgharị site na mmehie ma chee ihu na Chineke. Ọ pụtara imelite ma nata mgbaghara. Ụdị mgbanwe nke a abụghị ihe na-eme otu ugboro; ọ bụ usoro na-aganiihu.

Ọkpụkpọ okù niile

Mee Jizọs Kraịst bụrụ ebe nlekwasị anya nke ndụ gị. Chọọ enyemaka Ya niime ihe niile ị na-eme.

Chegharịa. Chigharịa nʻebe Onyenwe anyị nọ ma nwee ọchịchọ obi imelite onwe gị. Mgbe ọbụla imere ihe nʻezighi ezi, kwụwa aka gị ọtọ ma nabata ya niihu Chineke ma, dịka ọ dị mkpa, kwuputara ya bishọp gị ma ọ bụ onye ọbụla ị mejọrọ. Mee ike gị iji mezie ihe ahụ.

N̄ụrịa niime onyinye nke ịmee ịhe ọma karịa, ma bụrụ ọnye ọma karịa. Ọbụna mgbe ọ na-adịghị mfe ma na-ewe oge karịa otu masịrị gị, anwakwala anwa ịkwụsị ịgbalị. Gaaniihu na-arụ ọrụ ma tụkwasịnụ obi na Onyenwe anyị. Ọ ga-enyere gị aka na-aga na nzọ ụkwụ ọbụla nke ụzọ ahụ.

Jizọs nọdụrụ ọdụ n’akụkụ olulu mmiri ya na nwanyị Samerịa

Ngọzi ndị Ekwere nkwa

Nna nke Eluigwe ga-agbaghara ma gwọọ gị dịka ị na-echegharị. Ọ ga-ejiri udo na ọn̄ụ dochie ikpe ọmụma gị. Ọ gaghị echeta mmehie gị ọzọ ma ọlị. Jizọs Kraịst bụ ume gị, ma site na ume Ya, ọchịchọ gị idebe iwu nsọ Ya ga-abawanye.

Ọ ga-agbanwe obi gị nakwa ndụ gị. Obere obere, ị ga-eto ma bịa dị ka Ya karịa.

Ajụjụ na Azịza niile

Olee otu m ga-esi ama na Chineke agbagharawo m? Chineke kwere nkwa na Ọ ga-agbaghara ndị ahụ chegharịrị echegharị. Mgbe ị na-enweta nkasị obi sitere na Mmụọ, ị ga-enwe ike mata na ike mgbaghara mmehie nke Onye Nzọpụta na-arụ ọrụ niime ndụ gị.

Kedụ mgbe m nwere mkpa enyemaka bishọp iji chegharịa? Bishọp gị ji ọtụghe nke ọkwa nchụaja ma ọ nwere onyinye niile nke ime mmụọ iji nyere gị aka chegharịa. Ị nwere ike chọọ enyemaka na ndụmọdụ ya nʻoge ọbụla. Ọ bụrụ na imewo mmejọ tara akpụ, ụdị dị ka imebi iwu mmekọrịta, gaa hụ bishọp gị. Ọ gaghị ama gị ikpe. Ọ bụ onye nnọchite anya nke Jizọs Kraịst ma ọ ga-enyere gi aka mata otu ị ga-esi chegharịa nʻuju ma nata ike ọgwụgwọ nke Onye Nzọpụta na ike mgbam ume.

Ana m anwa ịchegharị, mana aka m na-emekwa otu mmejọ ahụ. Kedụ ihe m ga-eme? Adakwala mba. Chigharịa nʻebe Kraịst nọ ma tụkwasị okwukwe gị na Ya. Amara Ya zuuru gị oke. Nwaa ọzọ. Ị nọghị naanị gị ma ọlị na mbọ gị niile iji gaaniihu. Jizọs Kraịst mgbe niile nọnyere gị.

Lee Ịnos 1:6 (ikpe-ọmụma ka a zafuworo.); Mosiah 4:3 (site na Mmụọ Nsọ, Chineke na-eme ka ịmata na agbagharawo gị); 26:30 (Onye Nzọpụta na-agbaghara ọtụtụ ugboro dịka anyị na-echegharị); Ịta 12:27 (amara nke Onye Nzọpụta pụrụ ime ka ịhe ndị na-adịghị ike adịrị ike); Moronaị 6:8 (ndị ahụ chegharịrị ka agbagharaworo); 10:32 (itozu okè niime Kraịst); Ozizi na Ọgbụgba ndụ niile 1:32 (Onyenwe anyị na-agbaghara ndị ahụ chegharịrị); 58:42–43 (nchegharị gụnyere ikwuputa mmehie na ịhapụ mmehie).

Ajụjụ nke Rekọmend Tempụl

I nwere ọgbụgba ama nke Aja mgbaghara mmehie nke Jizọs Kraịst na maka ọrụ Ya dịka Onye Nzọpụta na Onye Mgbapụta gị?
Enwere mmehie ọjọọ niime ndụ gị nke ekwesịrị idozi site n’aka ndi ji ikikere ọkwa nchụaja dịka akụkụ nke nchegharị gị?