Atụmatụ Chineke bụ maka gị

Nna nke Eluigwe bụ onye isi nke atụmatụ ahụ. Ọ bụ Nna nke mmụọ gị, ma Ọ hụrụ gị naanya. O chọrọ inye gị ngọzi Ya nke kachasị ukwuu—ndụ ebighị ebi gị na Ya. Ikwu ya nʻụzọ ọzọ, Ọ chọrọ ka ị dịrị ka Ya karịa, ma bie ndụ ọn̄ụ, ndụ dị ebube nke Ọ na-ebi. O nwere ike niile ma mara ihe niile. Ị nwere ike ịtụkwasị obi na Ya, ọbụna mgbe ndụ siri ike.

Jizọs Kraịst kwere ka atụmatụ ahụ kwee omume. Tupu ekee ụwa, Nna nke Eluigwe họọrọ Ya ka ọ bụrụ Onye Nzọpụta gị. Ọ bụ naanị Jizọs Kraịst bụ naanị onye pụrụ ịkpọghachi gị azụ nʻebe Nna gị nke Eluigwe nọ. Ọ bụ ya mere anyị ji họrọ isoro Ya. Ihe niile dabeere nʻelu nhọrọ ahụ!

Alụmalụ na ezinụlọ dị oke mkpa n’atụmatụ nke Chineke. Ị bụ otu akụkụ nke ezinụlọ nke Chineke, ma ụmụ ya nke mmụọ niile na-abịa nʻụwa site na onye nne na onye nna. Chineke chọrọ ka ụmụ Ya ndị nwoke na nwanyị gaaniihu nʻotu chuwe ihu na ntozu okè dị ebighị ebi. Ndịikom na ndịinyom ọbụla na-etinye aka nhata nha iji nwete alụmalu dị ịhụnaanya ma dị nʻotu. Ndụ ezinụlọ nʻụwa ebe a—ọbụna nʻetozughi okè ya niile—nwere ike wete nnukwu ọn̄ụ. Emere ya ka o nyere gị aka kwadoo maka ndụ ebighị ebi gị na Chineke.

Nwee nhụnuuche dị ebighị ebi. Oge ọbụla izutere ọnwụnwa, mnwale, ndakpọ olileanya, ma ọ bụ nhọrọ siri ike, chetara onwe gị banyere atụmatụ nke Chineke. Lee otu eziokwu ndị dị ebighị ebi ahụ ị maara banyere atụmatụ Ya nwere ike iji nyere gị aka hụta aka mgba gị niile nʻụzọ dị iche.

Chọọ aka Chineke niime ndụ gị. Hụta ụzọ niile Chineke si na-agọzị gị. O nwere ike ịbụ otu omume obi ebere onye ọzọ gosiri gị, otu oge nke udo, ma ọ bụ otu azịza nye ekpere.

Họrọ isoro atụmatụ nke Chineke. Mụta banyere ihe Nna nke Eluigwe chọrọ ka ị mee. Chọọ odudu Ya dịka ị na-amụ akwụkwọ nsọ, okwu niile nke ndị amụma dị ndụ, ọkwa amara nye ezinụlọ, na ngọzi gị nke petrak. Nke a ga-enyere gị aka kwadoo maka ijere Onyenwe anyị ozi, dịka onye mgbasa ozi ọma ma ruo ogologo ndụ gị niile. Mee ka ijere Onyenwe anyị ozi, alụmalụ ebighị ebi, na izulite ụmụaka bụrụ ihe kacha mkpa. Rụọ ọrụ dịịrị gị iji nwee ezinụlọ an̄ụrị ugbua site na-isoro nkuzi niile nke Jizọs Kraịst.

Ị nwere ike izute mnwale niile nke ndụ na mgbam ume ma nwee olileanya na Kraịst. Nihi ị maara banyere atụmatụ ebighị ebi nke Chineke, ị nwere ngwaọrụ dị mkpa nke nwere ike ịnyere gị aka nʻoge niile nke ihe isiike. Ị maara na enwere ọtụtụ ihe ndị dị na ndụ a karịa ihe ahụ na-eme nʻetiti oge ọmụmụ na oge ọnwụ. Ị maara onye ị bụ nʻezie, ihe ebumnuche gị bụ, na onye i nwere ike ịbụ site nʻenyemaka nke Onye Nzọpụta. Jizọs Kraịst bụ ume gị!

Ị nwere ike ịnata ndụ ebighị ebi dị ka ị na-esoro Jizọs Kraịst. Ọ ga-enye gị ike iji dịrị ka Ya karịa, laghachikwuru nne na nna gị nke eluigwe, ma bie ndụ nʻọn̄ụ gị na ndị ịhụrụ naanya ruo ebighị ebi. Tụkwasị obi na Jizọs Kraịst.