O Ala Faama‘ite Iloga mo Galuega Faatino Alofa i Kuiniselani

Pe ua e foai atu ea i Masini Foai i le vaitau o le Kerisimasi? E a pe a mafai ona e laa tonu atu i le galuega a se tasi o galuega alofa e vaai ai i le aafiaga moni o lau foai?

O se tasi o na galuega alofa i Ausetalia, BlazeAid, o loo lagolaogoina aiga i nuu i tua ma le aufaifatoaga na aafia i mala falenatura e pei o afi, lologa, afa fulifao, ma lamala. I talaatu o le taliaina o foai, e talileleia foi e le BlazeAid ia volenitia ia vaaitino ai i aafiaga o la latou galuega. Pe o le faamamaina o otaota, toefauina o pa, fefaasoaai tala ma tagata i lotoifale, po o le kukaina foi o taumafataga vevela. E i ai se matafaioi mo tagata uma.

I le faaiuga o le 2025, e toatolu ulugalii mai Le Ekalesia a Iesu Keriso o le Au Paia o Aso e Gata Ai i le eria o Perisipeni na malaga i Quilpie i saute-sisifo o Kuiniselani, e vaai i le galuega e faia e le BlazeAid ma fesoasoani ai i le maea ai o lologa faataumaoi i le amataga o lena tausaga ia Aperila. Na taunuu nei ulugalii i le tolauapiga a le BlazeAid i le Nofoaga o Greenmulla i le Atunuu o C;hannel. O le mea na latou maua atu o se faapaaga ofoofogia i le va o le vaega alolofa ma tagatanuu.

Sa tolauapi volenitia i falefeaveai, faleie, ma karaveni. Sa latou amata i aso taitasi i le 7 i le taeao ma se vaega tuufaatasi e fuafuaina galuega ma ‘au. O nisi sa agai atu i faatoaga lata ane, o isi sa galulue i pa o Greenmulla, a o nonofo isi e kuka meaai, faamama, ma toefaatutumu sapalai. Sa tofu sao tagata uma ma le naunautai, e taua galuega taitasi i le manuia o le aso.

Sa faaaoga tonu e le BlazeAid le toetoe o le 100% o ana foai mo masini taua e pei o pusa uili la‘u uta, ‘ili, meafaigaluega, ma mea mo le puipuiga. E saunia meataumafa ma mea e nonofo ai le au volenitia, a o saunia e le au faifaatoaga i le lotoifale anomea mo pa ma mea e faapipii i fale. Latou te fatuina faatasi se tuufaatasiga o galuega ma punaoa sologalelei.

Na soisoi Steve Hall, le pule o le Greenmulla, ina ua ia toe manatua le masalosalo o le aufaifaatoaga pe mafai e se vaega o volenitia ona faia se eseesega. “E lei umi ae o latou iloaina lo latou sese,” le tala a Steve. I lalo o le taitaiga a le BlazeAid, sa toefuatai le faitau kilomita o pa i aso taitasi, e taua tele i se itulagi e faitau afe kilomita.

E toaono volenitia Perisipeni na aufaatasi ma isi volenitia e toavalu ua mautu i le tolauapiga. Sa i ai taimi sa mafai e le BlazeAid ona tali e oo atu i le 50 volenitia. Sa tomanatu Jill Byrnes mai le aulotu o le Ekalesia a Iesu Keriso i Rochedale, “Sa matagofie lenei aafiaga—na pupula ai o‘u mata i tagata mai ituaiga eseese o le olaga, sa i ai le faamoemoega lava lea e tasi—e auauna atu.” Mo nei tagata o le Ekalesia, e mafai ona latou vaai i aoaoga a le Tama Faalelagi ma Iesu Keriso ia “fealofani,” i lona faatinoga (Mataio 22:37–39).

O lologa o Aperila 2025, na sopoia le silia ma le 13 miliona hekatare, ma sa maumau ai le 3,000 mamoe a Bob Hall, le pule o le Greenmulla, ae sa ia fai mai semanu e sili atu ona leaga. 

E ui i mala uluā, ae sa tumau pea le faamoemoe. Mo nei volenitia, sa faalotomaualaloina ma e le mafai ona galo le aafiaga—o se molimau i le mana o le mutimuti alofa ma le agaga o le tagatanuu.