« មានភ្នែកដើម្បីមើលឃើញសេចក្តីល្អ » លីអាហូណា ខែមីនា ឆ្នាំ២០២៦ ។
សំឡេងពួកបរិសុទ្ធថ្ងៃចុងក្រោយ
មានភ្នែកដើម្បីមើលឃើញសេចក្តីល្អ
នៅពេលដែលភ្នែកភរិយារបស់ខ្ញុំចាប់ផ្តើមចុះខ្សោយ យើងបានងាកទៅរកដង្វាយធួនរបស់ព្រះយេស៊ូវគ្រីស្ទសម្រាប់ភាពធូរស្បើយ ។
រចនារូបភាពដោយ ប្រ៊ីអាណា ក្រែន
នៅ ខែមករា ឆ្នាំ២០២៥ ភរិយារបស់ខ្ញុំ ខេឡា បានចាប់ផ្តើមមានបញ្ហាជាមួយភ្នែករបស់គាត់ ។ គាត់តែងតែឈឺក្បាល និងមានការឈឺចាប់នៅក្នុងភ្នែកខាងឆ្វេងរបស់គាត់ ។ គាត់មិនអាចមើលឃើញច្បាស់ទេ ហើយយើងមានការព្រួយបារម្ភ ។
នៅពេលដែលយើងទៅរកពេទ្យពិនិត្យភ្នែក ពេទ្យបានរកឃើញថា ភ្នែកខាងឆ្វេងរបស់គាត់មានសម្ពាធខ្ពស់ ។ គ្រូពេទ្យបានបញ្ជូនយើងទៅគ្រូពេទ្យឯកទេសខាងភ្នែកដើម្បីពិនិត្យមើលជំងឺទឹកដក់ក្នុងភ្នែក ។ ភ្នែករបស់ ខេឡា មានហានិភ័យខ្ពស់ណាស់ ។ យើងបានទូរសព្ទទៅវេជ្ជបណ្ឌិតជាច្រើននាក់ ប៉ុន្តែការិយាល័យជាច្រើននៅបិទព្រោះជាថ្ងៃឈប់សម្រាកនៅឡើយ ។ អ្វីដែលយើងអាចធ្វើបាន គឺរង់ចាំ ។
ចិត្តយើងចាប់ផ្ដើមព្រួយបារម្ភខ្លាំងឡើងៗ ។ យើងបានងាកទៅរកព្រះវរបិតាសួគ៌ដោយការអធិស្ឋានទូលសុំជំនួយ ដោយទូលអង្វរថា អ្វីៗនឹងដំណើរការទៅតាមផែនការរបស់ទ្រង់ ។ យើងអន្ទះសាចង់បានការគាំទ្រ ហើយយើងទទួលបានសេចក្តីស្រឡាញ់មកពីទ្រង់ ។ យើងដឹងថាអ្វីៗគ្រប់យ៉ាងនឹងប្រែទៅជាគ្មានបញ្ហាអ្វីទេ ។
ទីបំផុត យើងទទួលបានការណាត់ជួបត្រឹមតែបួនថ្ងៃប៉ុណ្ណោះជាមួយនឹងអ្នកជំនាញ ដែលជាធម្មតាត្រូវរង់ចាំរាប់ខែ ។ គ្រូពេទ្យជំនាញខាងភ្នែកបានរកឃើញថា សម្ពាធនៅក្នុងភ្នែករបស់ ខេឡា បានថយចុះ ។ ពេទ្យបានចេញវេជ្ជបញ្ជាថ្នាំបណ្តក់ភ្នែកខ្លះ ហើយយើងក៏បានចាកចេញទៅ ។
គ្មានអ្វីផ្លាស់ប្តូរខ្លាំងបានកើតឡើងជាមួយនឹងភ្នែកភរិយារបស់ខ្ញុំទេ ប៉ុន្តែពួកយើងបានរៀនដើម្បីមើលឃើញសេចក្តីល្អតាមរយៈការបែរទៅរកដង្វាយធួនរបស់ព្រះយេស៊ូវគ្រីស្ទ ព្រះអង្គសង្គ្រោះជួយយើងឲ្យមានភាពវិជ្ជមាន និងពោរពេញដោយអំណរ ទោះបីជាមានការសាកល្បងក៏ដោយ ។ យើងដឹងថា ទ្រង់អាចព្យាបាលយើងទៅតាមពេលវេលាផ្ទាល់របស់ទ្រង់ និងទៅតាមវិធីផ្ទាល់របស់ទ្រង់ ។
ព្រះយេស៊ូវគ្រីស្ទមិនត្រឹមតែបានបង់ថ្លៃសម្រាប់អំពើបាបរបស់យើងប៉ុណ្ណោះទេ—ទ្រង់ក៏ថែមទាំងបានរងការឈឺចាប់ និងទុក្ខវេទនា ទាំងអស់ … គ្រប់បែបយ៉ាង … ដើម្បីឲ្យព្រះហឫទ័យទ្រង់បានពោរពេញទៅដោយសេចក្ដីមេត្តាករុណា ស្របតាមសាច់ឈាម ដើម្បីទ្រង់អាចដឹងស្របតាមសាច់ឈាមថា តើត្រូវជួយរាស្ត្រទ្រង់បែបណាតាមជំងឺរបស់គេ » ( អាលម៉ា ៧:១១–១២ ) ។
យើងទទួលបានការលួងលោម ដោយសារយើងបានដឹងថា ព្រះយេស៊ូវគ្រីស្ទ ទ្រង់ជ្រាបដឹងពីទុក្ខព្រួយរបស់យើង ។ ដោយសារយើងដាក់នឹមខ្លួនរបស់យើងទៅនឹងទ្រង់ នោះយើងនឹងបាន « សេចក្តីសម្រាកដល់ព្រលឹង [ របស់យើង ] » ( សូមមើល ម៉ាថាយ ១១:២៨–៣០ ) ។
ប្រធាន ខាំមៀល អិន ចនសុន ប្រធានសមាគមសង្គ្រោះទូទៅបានបង្រៀន ៖
« ព្រះយេស៊ូវគ្រីស្ទអាចសម្រាលបន្ទុករបស់យើងបាន ។
ព្រះយេស៊ូវគ្រីស្ទអាចលើកបន្ទុករបស់យើងឡើង ។ …