បុណ្យរំលង និងបុណ្យអ៊ីស្ទើរ
សូមមើលពីរបៀបដែលសមាសធាតុនៃបុណ្យរំលង អាចជួយយើងផ្ដោតទៅលើការពលិកម្មដ៏ធួនរបស់ព្រះយេស៊ូវគ្រីស្ទ និងសេចក្តីសញ្ញារបស់យើងជាមួយនឹងព្រះ ។
បុណ្យរំលងរំឭកពីការរំដោះរបស់ព្រះអម្ចាស់ដល់ប្រជាជនអ៊ីស្រាអែលចេញពីគ្រោះកាចចុងក្រោយនៅក្នុងប្រទេសអេហ្ស៊ីប ។ តាមរយៈម៉ូសេ ព្រះអម្ចាស់បានប្រាប់ពួកគេឲ្យអនុវត្តទង្វើជាក់លាក់មួយចំនួនដើម្បីឲ្យទេវតាដែលបំផ្លាញនឹងបង្ហួសពួកគេ និងលើកលែងឲ្យកូនច្បងរបស់ពួកគេផងដែរ ។ បន្ទាប់មកព្រះអម្ចាស់បានរំដោះពួកគេចេញពីទាសភាព ហើយបានបញ្ជូនពួកគេទៅកាន់ដែនដីសន្យា ។ ( សូមមើល និក្ខមនំ ១២ ) ។
ធាតុផ្សំផ្សេងៗទៀតនៃបុណ្យរំលងតំណាងឲ្យការពលិកម្មរបស់ព្រះយេស៊ូវគ្រីស្ទចំពោះអំពើបាបរបស់យើង ហើយក៏តំណាងឲ្យសេចក្តីសញ្ញារបស់យើងជាមួយនឹងព្រះផងដែរ ។
កូនចៀម
ចៀមឈ្មោលអាយុមួយឆ្នាំដែលគ្មានស្នាមប្រឡាក់ ។
កូនចៀមនោះត្រូវបានសម្លាប់ ហើយបន្ទាប់មកដុតទាំងមូលជាមួយនឹងភ្លើង—ដោយគ្មានបាក់ឆ្អឹងត្រង់ចំណុចណាមួយឡើយ ហើយក្បាល ជើង និងផ្នែកគ្រឿងក្នុងនៅល្អភ្ជាប់មកជាមួយដែលអាចទទួលទានបាន ។ កូនចៀមនោះនឹងទុកបរិភោគក្នុងអំឡុងពេលយប់បុណ្យរំលង នឹងមិនមាននៅសេសសល់ដល់ពេលព្រឹកឡើយ ។ ប្រសិនបើមានអ្វីនៅសល់ នោះវានឹងត្រូវដុតបំផ្លាញចោល ។
អត្ថន័យដែលអាចមាន ៖ ព្រះយេស៊ូវគ្រីស្ទគឺជាជាយញ្ញបូជាដែលគ្មានអំពើបាប ។ភាពផ្អែមល្ហែមដែលបានមកពីការទៅរកទ្រង់ បានផ្ទុយខុសពីភាពជូរចត់នៃអំពើបាប ។ការពលិកម្មទាំងស្រុងរបស់ព្រះគ្រីស្ទចំពោះបេសកកម្មរបស់ទ្រង់ ។ការលះបង់ដែលទាមទារឲ្យមានពីអស់អ្នកដែលបានធ្វើសេចក្តីសញ្ញាជាមួយនឹងព្រះ ។
ឈាមនៅលើធ្នឹម និងក្របទ្វារ
Hyssop [ មែកហ៊ីសុប ] ( ថ្នាំរុក្ខជាតិដែលក្រោយមកត្រូវបានប្រើក្នុងការបន្សុទ្ធនៃពិធីសាសនា ) ត្រូវបានជ្រលក់ក្នុងចានឈាមដែលបានពីកូនចៀម ហើយបន្ទាប់មកឈាមនោះត្រូវបានដាក់នៅលើធ្នឹម និងក្របទ្វារ ។
អត្ថន័យដែលអាចមាន ៖ សញ្ញាកំណត់អត្តសញ្ញាណប្រជាជននៃសេចក្តីសញ្ញារបស់ព្រះ ។ការបន្សុទ្ធតាមរយៈព្រះលោហិតរបស់ព្រះយេស៊ូវគ្រីស្ទ ដែលត្រូវបានបង្ហូរដើម្បីធួនសម្រាប់អំពើបាបរបស់យើង ។
នំបុ័ងឥតដំបែ
នំបុ័ងដែលធ្វើដោយគ្មានដំបែ ឬសារធាតុធ្វើឲ្យឡើងផ្សេងទៀត ដែលភាគច្រើនទំនងជាបានមកពីស្រូវសាលី ស្រូវឱក ឬ ស្រូវសូហ្គឹម នៅក្នុងប្រទេសអេហ្ស៊ីបពីបុរាណ ។ ដំបែធ្វើឲ្យនំបុ័ងទន់ជាងមុន ប៉ុន្តែក៏ងាយនឹងខូចផងដែរ ។ ដូចគ្នានេះផងដែរ ដុំម្សៅដែលដាក់សារធាតុធ្វើឲ្យឡើងត្រូវការពេលវេលាដើម្បីឲ្យម្សៅឡើង ដូច្នេះហើយវាត្រូវចំណាយពេលយូរដើម្បីធ្វើ ។
វាត្រូវបានគេបរិភោគសម្រាប់រយៈពេលប្រាំពីរថ្ងៃ ។ ដំបែ ( ដែលជាប់ទាក់ទងជាមួយនឹងការពុករលួយ ) នឹងត្រូវដកចេញពីផ្ទះនីមួយៗក្នុងអំឡុងពេលនេះ ( សូមមើល និក្ខមនំ ១២:១៩ ) ។
អត្ថន័យដែលអាចមាន ៖ ភាពបរិសុទ្ធ ការប្រញាប់ប្រញាល់ចាកចេញពីការជាប់ឃុំឃាំង ព្រះគ្រីស្ទជានំបុ័ងនៃជីវិត ( សូមមើល កូរិនថូស ទី១ ៥:៧ ) ។
បន្លែល្វីង
រួមមាន សាលាដសង ឆៃថាវ endive ( បន្លែម្យ៉ាងមានរាងដូចកូនស្ពៃបូកគោ មានរសជាតិល្វីង ) horseradish ( រុក្ខជាតិប្រភេទមើមមានរាងដូចរំដេង មានរសជាតិហិល ) និងអាចជាឱសថផ្សេងទៀតដែលមានរសជាតិល្វីង ។
បន្លែទាំងនេះត្រូវបានគេបរិភោគរួមជាមួយសាច់ចៀម ។
អត្ថន័យដែលអាចមាន ៖ ភាពល្វីងជូរចត់នៃទាសភាព និងការជាប់ឃុំឃាំងនៅក្នុងប្រទេសអេហ្ស៊ីប ភាពល្វីងជូរចត់នៃទាសភាពធៀបទៅនឹងអំពើបាប ភាពល្វីងជូរចត់នៃការរងទុក្ខរបស់ព្រះគ្រីស្ទសម្រាប់អំពើបាបរបស់យើង ។
ក្រវាត់ចង្កេះ ពាក់ស្បែកជើង កាន់ដំបងនៅដៃ ឈរបរិភោគ
អត្ថន័យដែលអាចមាន ៖ ការត្រៀមខ្លួនជាស្រេចសម្រាប់ការប្រយុទ្ធដើម្បីចេញពីការជាប់ឃុំឃាំង បំណងប្រាថ្នាចង់បានសេរីភាពចេញពីអំពើបាប ។