Pasova mo Ista

I Kam long David A. Edwards

Ol Magasin blong Jos

Luk olsem wanem ol pat blong Pasova i save poenem yumi i go long atonmen mo sakrifaes blong Jisas Kraes mo ol kavenan blong yumi wetem God.

Pasova i wan taem blong selebretem taem we Lod i mekem ol pipol blong Isrel oli kam fri aot long bigfala sik long Ijip. Tru long Moses, Lod i talem long olgeta blong mekem sam spesel samting blong mekem se enjel bae i no prapa spolem olgeta mo bae i pas ova long olgeta mo sevem ol fasbon pikinini blong olgeta. Afta Lod i mekem olgeta oli fri aot long slef mo sendem olgeta i go long promes graon. (Luk long Eksodas 12.)

Ol defdefren pat blong Pasova oli ripresentem atonmen mo sakrifaes blong Jisas Kraes from ol sin blong yumi, mo tu, ol kavenan blong yumi wetem God.

Smol Sipsip

Wan smol sipsip we i gat wan yia mo i klin.

Oli kilim mo afta oli rusum long faea, fulwan—nogat ol bun i brok mo hed, ol leg mo ol pat insaed we oli stap tugeta. Hem i blong oli kakae long taem blong naet blong Pasova, i no mas gat eni mit blong sipsip i stap kasem moning. Sapos i gat i stap, bae oli mas bonem.

Posibol mining: Jisas Kraes we i no gat sin i sakrifaes from ol sin; wanem we i swit o naes tumas we i kam long Hem i defren wetem filing blong harem nogud blong sin; Kraes i givim Hem fulwan blong stap fetful long misin blong Hem; fasin blong stap fetful i nidim olgeta we oli bin mekem kavenan wetem God.

Blad long Timba We I krosem Doa Antap mo long Ol Pos

Hyssop (wan lif we i gat naesfala smel we oli yusum long kastom blong mekem samting i klin evriwan) oli draonem i go insaed long bolglas blong blad blong sipsip mo afta, blad ia oli putum long timba we i krosem doa antap mo ol pos blong doa.

Posibol mining: wan saen we i stap soem ol kavenan pipol blong God; fasin blong kam klin gud tru long blad blong Jisas Kraes, we i bin ron from ol sin blong yumi.

Bred We I No Solap

Bred we oli mekem mo i no gat is o i ol narawan we oli no solap, we i kam speseli long emmer wit, ol sid o sorghum long Ijip blong bifo. Bred we i gat is i moa sofsof be isi blong kam roten. Mo tu, flaoa we i gat is i nidim taem blong solap, mekem se i tekem longfala taem blong mekem.

Hemia oli kaekae blong seven dei. Flaoa we i gat is (we i joen wetem fasin blong giaman ) oli mas karemaot long wanwan hom long taem ia (luk long Eksodas 12:19).

Posibol mining: Klin Fasin; kamaot kwik long fasin blong stap olsem prisena; Kraes olsem Bred blong Laef (luk long 1 Korin 5:7).

Lif We I Gat Smel Be I Konkon

I tekem tu, wotagris, radis, , radishes, endive, horseradish, mo i posibol blong tekem tu ol nara lif we i gat naesfala smel be oli konkon.

Oli kakae wetem sipsip.

Posibol mining: Konkon filing ia blong stap slef mo prisena long Ijip; konkon filing blong stap prisena blong sin; konkon filing blong safaring blong Kraes from ol sin blong yumi.

Klos blong Faet, Sandel blong Leg, Stik long Han, Stap Stanap Mo Stap Kakae

Posibol mining: Stap rere blong kamaot kwik long fasin blong stap prisena; tingting blong hat blong wantem kam fri long sin.

Pasova wetem Jisas Kraes We I Gat Mining

Pasova long taem we Hem i gat 12 Yia: Papa mo mama blong Hem tufala i faenem Hem we i stap toktok long ol tija long tempol (“?From wanem yutufala i stap lukaot mi? ?Yutufala i no save se mi mi mas stap long haos blong Papa blong mi?”)—luk long Luk 2:41–49.

Fas Pasova blong Ministri blong Hem: Klin Fasin blong Tempol (“!Yufala i no mekem haos blong Papa blong mi i kam olsem ples blong mekem maket!”)—luk long Jon 2:13–17.

Nambatu Pasova blong Ministri blong Hem: Merikel blong ol bred mo fis (“Mi nao, mi olsem kakae we i save givim laef.”)—luk long Jon 6.

Nambatri Pasova: Las Sapa (“Oltaem yufala i mas mekem samting ya blong tingbaot mi bakegen”)—luk long Luk 22:7–20.

3 Epril, 1836: Long Ista Sandei 1836, nambatu dei blong Pasova, Sevya i kamkamaot long Josef Smit mo Oliva Kowdri long Ketlan Tempol—luk long Doktrin mo Ol Kavenan 110:1–10.