“Josef blong Aramatia: Ol Tingting blong Hat we Oli Stret mo Gud mo Ol Merikel blong God,” Liahona, Maj 2026.
Oli Bin Save Sevya
Josef blong Aramatia: Ol Tingting blong Hat we Oli Stret mo Gud mo Ol Merikel blong God
?Huia nao i Josef blong Aramatia, mo wanem nao yumi save lanem long pat blong hem insaed long stori blong Ista?
Pikja i kam long Laura Serra, oli no save mekem kopi
Josef blong Aramatia i plei wan impoten pat insaed long stori blong Ista, hem i stap helpem Lod taem Hem i kasem bigfala viktri long histri blong ol man. Taem we oli nilim Jisas Kraes long kros, Josef “i girap, i go luk Paelat, i askem long hem blong i letem hem i tekem bodi blong Jisas” (Mak 15:43). Afta we plante narawan oli go wanwan long Lod long aoa ia we hop i lus, ?wanem i lidim Josef blong stap mo tekpat long wan kaen impoten taem blong sakrifaes blong Sevya?
Fasin blong hem blong stap fetful i oposit long level blong hem olsem wan rij kaonsela blong Sanhedrin, long kam tugeta blong Ol Man blong Jiu i gat Ol Farisi mo Ol Sadusi we oli tok agensem Kraes blong i ded (luk long Matiu 27:1, 57). Josef i wan man blong Jisas, be hem i stap haedem samting ya, “ from we hem i fraet long ol lida blong ol laen blong Isrel” (Jon 19:38).
Bet yet long en, hem i soemaot fasin blong hem blong stap olsem wan disaepol. Hem “i no agri long plan we Kaonsel ya i mekem, mo long ol samting ya we oli wokem” blong tekemaot laef blong Sevya (luk long Luk 23:50–51). Mo afta we Sevya i ded, Josef i kavremap bodi blong Masta long kaliko mo putum insaed long niufala tumb blong hemwan (luk long Matiu 27:59–60; Luk 23:52–53). Hemia i mekem profesi ia se gref blong Kraes bae i stap wetem blong ol rij man (luk long Aesea 53:9).
Hem I Girap Bakegen long Ded
Blong stap givim tumb blong hem long Sevya olsem gref blong Hem, Josef blong Aramatia i help blong mekem profesi i kam tru mo i mekem rere rod blong wan witnes blong merikel blong Laef Bakegen long Ded blong Jisas Kraes. Long namba tri dei afta long taem we Oli Nilim Hem long kros, ol man blong Kraes oli bin faenem tumb i emti, mo wan voes blong enjel i talemaot se, “Hem i no stap long ples ya. Hem i laef bakegen finis” (Matiu 28:6).
“Girap long Ded blong Jisas Kraes i talemaot witnes long tabu fasin blong Hem mo se Hem i bin winim evri samting,” Elder D. Todd Christofferson blong Kworom blong Olgeta Twelev Aposol i bin tijim. “Girap blong Hem long Ded i talem witnes se, taem yumi fasem yumi long Hem tru long kavenan, yumi tu i save winim evri samting mo kam wan. Girap blong Hem long Ded i talem witnes se tru long Hem, blong no save ded mo laef we i no save finis, oli samting we oli tru.”
Maet Josef i no bin save wanem we hem i bin givim long fas Ista ia we i moa long tingting blong hat blong hat blong hem we i blong givim respek long Jisas Kraes. Be Lod i yusum tingting blong hat blong Josef we oli stret mo gud, olsem pat blong impoten merikel ia se “long olgeta we oli ded finis, hem i faswan we i laef bakegen” (1 Korin 15:20), faswan blong girap long ded.
Semmak olsem we Josef i gat wan impoten pat blong mekem, wanwan long yumi i save stap olsem wan tul long ol han blong Papa long Heven. Plan blong Hem long evriwan mo bae Hem i tekem ol skil blong yumi, ol eksperiens mo ol situesen blong yumi blong mekem bigfala wok blong Hem i go moa. Long Ista ia, yumi save tingbaot mesej ia mo lukaotem Jisas Kraes, taem yumi sakrifaesem wanem we yumi save mekem blong help bildimap kingdom blong Hem mo taem yumi stap letem ol merikel blong Hem oli stap hapen insaed long laef blong yumi.